Login to your account

Username *
Password *
Remember Me

Aban, Governu Lansa Vasina ba Doze Daruak

Vasina AstraZeneca Vasina AstraZeneca

Tempotimor (Dili)-Governu liuhusi Ministériu Saúde (MS) fó sai aban, loron kinta (10/06) sei halo lansamentu Vasina ba faze daruak nian hodi kompleta doze dala-rua, ba sidadaun sira ne'ebé simu ona vasina iha doze dahuluk.

Lansamentu ba faze daruak ne'e, sei hala'o iha Sala Situasaun-Sentru Integradu Jestaun ba Krize (SS-SIJK) ne'ebé governu instala iha Centro Conveçăo Dili (CCD), Kaikoli.

“Aban (10/06) dadeersan, ha'u hanoin ita-nia ekipa prepara ona ba lansamentu segunda doze nian, ha'u espera katak ita hothotu iha CCD, iha sentru integradu jestaun krize nia fatin, ita halo lansamentu ba fase segundu nian”, informa Ministra Odete iha Aeroportu Internasionál Prezidente Nicolao Lobato, Dili, kuarta (09/06).

Tuir loloos governu hala’o ona vasina ba segunda doze nian iha (02/06), maibé iha atraza oituan, tanba parseiru sira husi nasaun Nove Zelándia hakarak apoiu tan vasina hamutuk rihun 24 (24 mill), nune'e, governu hein hodi transporta dala-ida ho aviaun husi governu Nova Zelándia mai TL.

“Do que ita lori Covax nian ne'e mai mesak de'it, entaun ita hein doze ne'ebé mak Nova Zelándia fó ba Covax facility, nia bele mai hamutuk, entaun ita hetan 100.800 dozes”, afirma Odete.

Entretantu, Reprezentante UNICEF iha Timor-Leste, Bilal Aurang Zeb Duranni hatete, governu TL lansa ona kampaña implementasaun vasina ida ho susesu tebes, liliu ba sira ne'ebé iha fatin risku hodi prepara mós sistema saúde ba kazu sira ne'ebé gráve.

"UNICEF orgullu tebes atu dezempeña nia papél ba funu hasoru pandemia ne'e, no servisu hamutuk ho governu no ami nia parseiru dezenvolvimentu sira”, dehan nia.

Tuir dadus husi MS, durante halo lansamentu vasina ba dozez dahuluk iha loron 07 fulan-abril, populasaun hamutuk rihun-90 (90 mill) mak simu ona vasina. (*)

Rate this item
(1 Vote)
Last modified on Thursday, 10 June 2021 08:56
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter