Koordenadór Forsa Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo hatete, sidadaun timoroan mane na'in-1 ho idade 38 mate ho Covid-19.
Totál óbitu ne’ebé relata iha loron sábadu (29/05) hela iha aldeia 4 Setembro, Suku Komoro, Postu Administrativu Dom Aleixo, Munisípiu Díli.
Iha loron 29 fulan-maiu tuku 11:00 oras timor-leste (otl), ba konsulta iha Sentru Saúde Comoro ho sintomas isin manas ho iis-boot no matebian iha mós istória diabetes.
"Horikalan Xefe Sentru Saúde Comoro simu informasaun husi membru família ida katak, matebian iis-kotu maizoumenus iha tuku 5 lorokraik no família la aseita atu halo funeral tuir protokolu ba Covid-19", dehan nia liuhusi komunikadu immprensa, sábadu (29/5).
Matebian refere antes ne'e, Rapid swab antigen test ne’ebé halo iha Sentru Saúde Comoro hatudu rezultadu pozitivu Covid-19 no Ekipa saúde iha Sentru Saúde Comoro konvense atu haruka ba halo tratamentu iha fatin izolamentub Vera Cruz, maibé matebian ho família rekuza no obriga-an lori fila ba uma. (*)
