Portavoz Komisaun Interministerial Sentru Informasaun Vasinasaun Covid-19, Danina Coelho hatete, populasaun iha Dili hamutuk 48,170 mak simu ona vasina sura ho anterior rihun-64.
"Pursentu 30 populasaun Dili mak hetan ona vasina dahuluk", dehan nia iha Ministériu Solidaridade Sosial no Inkluzaun (MSSI), Kaikoli, sábadu (29/05)
Husi populasaun pursentu 30 iha Dili ne'ebé simu Vasina ona maioria husi adultu ho idade 18 ba leten.
Iha fatin hanesan koordenadora Sub-komite Seguransa Badinas, Josefina Clarinha João, haktuir iha faze dahuluk to'o agora ema 15 mak hetan reasaun husi vasina nune'e husi 15 ne'e na'in-2 mak konsidera reasaun makas maibé na'in-13 batina no barak liu mak relasaun kaman.
"Husi kazu 15 ne'e mak tenke hetan tratamentu to'o iha nivel sentru saúde no to'o iha nivel hospital Lanut", dehan nia.
Maibé apela ba populasaun sira ne’ebé simu vasina Covax vasina kontra Covid-19 nian, sempre husu atu tur hakmatek durante menit 30 hodi bele observa reasaun todan ka kaman.
"Sira ne'ebé reasaun naton ne'e halo tratamentu di'ak e fila ba uma ona no 2 seluk ne'ebé dehan reasaun maka’as ne'e tanba sira hetan tratamentu husi grupu espesialista sira maibé iha tempu badak rekupera ona", informa nia.
Maibé, to’o iha loron 29 fulan-maiu seidauk iha kazu ida ne'ebé mate tanba vasina no ema ne'ebé mais fulneravel ho idade 60 ba leten, moras krónika tuir dadus estatistika iha Dili hamutuk 14.518 no iha rihun-2 heran ona vasina. (*)