Login to your account

Username *
Password *
Remember Me

Komunidade Readodok 471 Sei Simu Vasina iha Semana oin

Xefi Aldeia Readodok, Filomena Cárceres ko'alia hela ho www.tempotimor.com iha nia rezidénsia Mantane, Readodok, Domingu (30/05). Xefi Aldeia Readodok, Filomena Cárceres ko'alia hela ho www.tempotimor.com iha nia rezidénsia Mantane, Readodok, Domingu (30/05). Foto Tempo Timor

Tempotimor (Dili)-Komunidade hamutuk 471 iha Aldeia Readodok, Suku Lakumesak, Postu administrativu Laklo, Munisipiu Manatutu sei simu vasina Astrazeneca husi Ministériu Saúde (MS) iha semana oin.

"Foin lalais ami konsellu suku Lakumesak, hala'o ona enkontru ho sira husi saúde nian katak iha inísiu fulan-juñu ne'e, médiku sira sei mai halo vasina ba ha'u-nia komunidade sira iha ami-nia aldeia Readodok ne'e ho totál atus-haat-resin”, informa Xefe Aldeia Readodok, Filomena Cárceres ba www.tempotimor.com iha nia rezidénsia Mantane, Readodok, domingu (30/05).

Durante ne'e, governu hahú lansa vasina Astrazenaca ba komunidade sira iha kapitál Dili, ema barak mak rezeita atu simu vasina husi médiku.

"Maibé, agora ne'e, komu sira haree ema barak mak simu hotu ona vasina, entaun sira mós hakarak hotu atu simu vasina, tanba bele aumenta ita-nia imunidade hodi satan vírus labele kona ita", dehan nia.

Maske nune'e, nia husu nafatin ba médiku sira atu fó informasaun ne'ebé detallu uluk ba komunidade sira, liuhusi halo sosializasaun hodi fó kuñesimentu ba populasaun sira, hafoin bele sona ai-moruk ba ema nia isin.

"Tanba iha komunidade balu dala-ruma sente tauk, ho ida ne'e maka doutór sira tenke esplika uluk informasaun ne'ebé loloos no di'ak nian, hodi ema hotu bele simu vasina ida ne'e", afirma nia.

Maibé, husu ba governu atu fó ona apoiu emerjénsia ba vitima sira ne'ebé afetadu husi inundasaun iha loron (04/04) hamutuk uma-kain 10 iha aldeia Readodok, tanba to'o oras ne'e seidauk simu apoiu ruma.

Entretantu, aldeia Readodok, lokaliza iha Suku Lakumesak, Postu administrativu Laklo, Munisípiu Manatuto, kompostu husi Xefe família 136, populasaun hamutuk 471, kompostu husi mane na'in-234, no feto hamutuk 237. (*)

 

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter