Iha loron 24 fulan-maiu tinan 2021 iha izolamentu Vera Cruz halo tratamentu ba kazu detetadu     na'in-35 no iha área obstetrisia na'in-17, iha medisina interna na'in-17, pediatria 1 no sira na'in-17 iha obstetrisia no kategória leve (mild) hotu.  

“Husi sira na'in-17 iha medisina interna, na'in-4 grave, na'in-1iha ICU uza CPAP, na'in-3 uza oksijéniu no na'in-13 moderadu”, dehan Rui Maria de Araújo liuhusi komunikadu imprensa, tersa (25/05).

Nune'e, Kazu detetatu foun ne’ebé relata iha loron 25 fulan-maiu tinan 2021 hamutuk 198 (iha Dili 183, iha Munisípiu seluk 15), mane 116, feto 82 ho idade    tinan 12 na'in-3, ho idade entre tinan 12-59 na'in-189 (95,4%), ho idade 60 na'in-6 no proporsaun          kazu sintomátiku hamutuk 18,1%.        

“Kazu rekuperadu 132, kazu ativu ohin, loron 25 fulan-maiu 2021 hamutuk 2.666 no total kazu konfirmadu kumulativu iha 25 de Maiu 2021 (sura husi   21 Marsu 2020) 6014”, informa Rui.

Iha loron 24 to’o 25 fulan-maiu, hamutuk hotu Laboratóriu Nasionál Saúde (LNS) halo 1314 testes PCR iha Dili,     ho detalla hanesan, Vijilánsia sentinela 64, Rastreiu ba kontaktu (contact tracing) 114, rastreiu aleatóriu (random screening) 447, viajen sai husi serka sanitária Munisípiu Dili 552,  viajen internasionál 22 no follow up iha kuarentena 115. 

Rezultadu  testes  PCR  ne’ebé halo iha loron 24 fulan-maiu iha munisípiu sira seluk, REAOA ho HNGV, hamutuk 637, ho detalla hanesan, Baukau160, Ermera 44, Maliana 73, Maubisse 130, RAEOA 32, Suai 82, Vikeké 30 no HNGV 86. (*)