Pasiénte Covid-19 Na'in-5 Grave Iha Izolmentu Vera Cruz

Izolamentu Vera Cruz Izolamentu Vera Cruz Foto Suplay

Tempotimor (Dili)-Sentru Intgradu Jestaun ba Krize (SIJK) rejistu pasiénte Covid-19 hamutuk ema na'in-5 grave iha Izolamentu Vera Cruz, Suku Kaikoli, Postu administrativu Vera Cruz.

Tuir dadus ne’ebé fó sai iha loron 26 fulan-maiu tinan 2021, izolamentu Vera Cruz halo tratamentu ba kazu detetadu na'in-38, iha área obstetrisia na'in-18, no iha medisina interna na'in-19, pediatria 1, sira na'in-18 iha obstetrisia, kategoria leve (mild) hotu.

"Husi sira na'in-19 iha medisina interna, na'in-5 grave (3 iha ICU uza CPAP, 2 uza oksijéniu), na'in-6 moderadu, 4 leve (mild)”, dehan Koordenadór Forsa-Tarefa ba Prevensaun no Mitigasaun Surtu Covid-19 iha Timor-Leste, Rui Maria de Araújo liuhusi komunikadu imprensa, kuarta (26/05).

Kazu detetatu foun ne’ebé relata iha loron 26 fulan-maiu tinan 2021, hamutuk 231 iha Dili 215, iha Munisípiu seluk 16 hanesan iha Aileu 3, Bobonaro 7, Covalima 2, Vikeké 4 no kazu ativu hamutuk 2739.

Husi númeru ne’e iha mane 114, feto 117 ho idade tinan 12 na'in-3 ho idade entre tinan 12-59 na'in-225 (97,4%), ho idade 60 na'in-6 no proporsaun kazu sintomátiku hamutuk 11,6%.

Kazu rekuperadu 158 no totál kazu konfirmadu kumulativu iha 26 Maiu 2021 (sura husi 21 Marsu 2020) 6245.

Durante loron rua, 25 to’o 26 fulan-maiu, hamutuk hotu Laboratóriu Nasionál Saúde (LNS) halo 1283 testes PCR iha Dili, ho detalla hanesan, Vijilánsia sentinela 13, Rastreiu ba kontaktu (Contact tracing) 87, Rastreiu Aleatóriu (Random Screening) 215, Viajen sai husi serka sanitária Munisípiu Dili 819, Viajen internasionál 122 no follow up iha kuarentena 27.

Totál testes PCR ne’ebé halo Iha loron 25 fulan-maiu iha Munisípiu sira seluk REAOA ho HNGV, hamutuk 603, ho detalla hanesan, Baukau 120, Ermera 15, Maliana 61, Maubisse 85, RAEOA:16, Suai 129, Vikeké 34, HNGV 143. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter