Koordenadór Sentru Integradu Jestaun Krize, Sala Situasaun (SIJK-SS), Rui Maria de Araújo deklara, iha Munisípiu Dili husi loron 10 fulan-abril deteta kazu foun 27 nune'e kazu detetadu ka pozitivu iha Dili husi loron 7 fulan-marsu tinan 2021 husi loron ne'ebé deteta kazu iha cluster BTN II, Terra Santa ho Madohi to'o 11 fulan-abril tinan 2021 hamutuk 823.
Baze ba informasaun ne’ebé disponível,ekipa konjunta saúde halo fali revizaun fokuba propagasuan/cluster iha munisípiu Dili hetan revizaun iha Suku Madohi 27, Suku Komoro 142, Suku Fatuhada 110, Suku Bebonuk 108, Suku Manleuana 18, Suku Kampo Alor 18, Suku Bairropite 29, Suku Vila-Verde 26, Suku Motael 14,
Nune’e mós iha Suku Kaikoli 14, Suku Mascarenhas 10, Suku Lahane Ocidental 12, Suk Lahane Oriental 20, Suku Santa-Cruz 18, Suku Bekora 53, Suku Kukuhun 28, Suku Bidaun Santa Ana 22, Suku Camea 1, Kuarentena 15, Clinica Bairro Pité 3, Quartel Geral F-FDTL 4, Ataúro 4 no iha CCD Merkadu Lama 7. Tanba ne’e, iha Munisipiu Dili, hamutuk hotu iha cluster 23.
"Dadus jerál ba Timor-Leste tomak, Kazu detetatu foun iha loron 11 fulan Abril 2021 38 (27 iha Dili, 11 iha Munisipiu sira seluk), Kazu rekuperadu iha loron 11 fulan Abril 2021 33, total kazu ativu ohin Lorin 11 fulan Abril 2021 536, husi totál kazu detetadu foun ohin mane 15, feto 23 no husi total kazu detetadu foun ohin 100% asintomátiku”, dehan Rui liuhusi Komunikadu imprensa, domingu (11/04)
Iha mós evoluasaun surtu covid-19 iha munisípiu Baukau deteta kazu foun 1, kazu Ida ne'e halo biajem husi dili nuné kazu iha Baukau hamutuk 36, iha Bobonaro kazu foun 1 ne'ebé halo viajen husi Dili, iha Ainaro kazu pozetivu 2, Ermera 7, kazu hirak ne'e halo viajen husi Dili no iha munisípiu seluk unklui RAEOA la deteta kazu foun
"Husi horiseik mai ohin, hamutuk hotu Laboratóriu Nasionál Saúde (LNS) halo 1120 testes PCR, ho detalles hanesan, Vijilánsia sentinela 50, Rastreiu ba kontaktu (Contact tracing) 53, Rastreiu Aleatoriu (Random Screening) 216, viajen sai husi serka sanitária Munisípiu Dili 531, Viajen internasionál 225 Follow up iha quarentena 45”, afirma nia.
Totál pedidu autorizasaun esepsionál atu sai husi serka sanitaria iha Munisípiu Dili, iha loron 10 fulan-abril, hamutuk hotu 313, Sekretariadu CIGC responde hotu kedan, maibé 18 pedidu la prienxe kritériu tuir Resolusaun Governu.
"Ohin iha tan kazu detetadu ho kategória moderadu baixa iha izolamentu Vera Cruz Kazu ida ne’e inan isin-rua fulan 9, hein atu tama prosesu partu. Hamutuk hotu iha kazu moderadu na'in-3 iha Vera Cruz. Por enkuanto, sira hotu nia kondisaun estável”, informa. (*)
