PM Taur Husu Tan Apoiu AstraZeneca Husi Xina no Austrália

Primeiru Ministru hetan Vasina AstraZeneca husi pesoal saude sira iha Centru Saude Formoza (7/4) Primeiru Ministru hetan Vasina AstraZeneca husi pesoal saude sira iha Centru Saude Formoza (7/4) Foto Arkivu

Tempotimor (Dili) - Primeiru Ministru (PM), Taur Matan Ruak deklara, nia parte haruka ona pedidu ofesial ida ba Primeiru Ministru Austrália no Primeiru Ministru Xina atu bele fó apoiu tan vasina AstraZeneca pursentu ualunulu (80%) hodi komplenta vasina iha Timor-Leste.

Tanba, estabelesimentu vasina astraZeneca iha Timor-Leste, dadauk foin atinje 20% no hela 80% atubele kompleta 100%.

"Ha’u halo pedidu ofisial ida ba senhor Primeiru Ministru Austrália, para apoiu Timore iha 80% ne'e, mais ha’u mós halo pedidu ba Primeiru Ministru Xina, ba dezafiu idane'e”, dehan nia hafoin hala'o lansamentu ba vasinasaun astraZeneca iha Sentru Saúde Formosa, kuarta (07/04).

Aleinde ho rekomendasun hirak ne'e, governu mós propoin ona orsamentu tokon US$35, ne’ebé sei ratefika husi orsamentu billaun US$1.8 iha Orsamentu Jerál Estadu (OJE) 2021 nian, atubele hola vasinasaun ne'e.

"Aleinde ida ne'e, governu iha orsamentu ratefikativu 35 milhões de dolares americano ba vasina”, afirma nia.

Ho planu hirak ne'e, PM Taur husu ba Komisaun interministerial covid-19 ne’ebé lideradu husi Vise Primeira Ministra atubele servisu ho parseiru sira hanesan Organizasaun Mundial Saúde (OMS), UNICEF inklui parseiru sira seluk atubele lori Timor-Leste ba susesu.(*)

Rate this item
(0 votes)
Last modified on Thursday, 08 April 2021 12:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter