Tempotimor (Dili)- Posibilidade Primeiru Ministru (PM),Taur Matan Ruak, semana oin sei fila hikas ba Parlamentu Nasionál (PN) atu husu tan estensaun Estadu Emerjensia (EE) dahitu.

Tempotimor (Dili)-Antes aprezenta proposta Orsamentu Jerál Estadu (OJE) tinan 2021 ba Parlamentu Nasionál (PN), Primeiru Ministru hakarak Membru governu (MG) sira tenke intende didiak estrutura orsamentu, atu bele halo esplikasaun ho diak.

Tempotimor (Dili)-Relasiona ho desizaun governu nian liuhusi dekretu ministeriál Ministériu Justisa (MJ) númeru 33/2017 iha 24 Maiu ne'ebé fó direitu ba Polísia Sientífika Investigasaun Kriminál (PSIK) hodi iza armas funu nian, maka lider seguransa nian hahú preokupa, tanba ema sivíl komesa uza ona arma funu nian.

Preokupasaun hira ne'e hato'o husi Xefe estadu maior F-FDTL Maijór Jenerál Lere Anan Timur, maibé xefe governu no Ministru Justisa (MJ) dehan lei mak fó dalan.

Tuir Jenerál Lere, Konstituisaun RDTL fó dalan, ba PNTL ho F-FDTL mak uza kilat, maibé governu komesa fó mós kilat ba ema sivíl.

"Kona-ba armas ne'e ita-nia konstituisaun RDTL fó dalan katak, instituisaun F-FDTL no PNTL mak bele kaer kilat, mais agora PSIK ne'e ha'u lahatene, nia sivíl ka polísia? Ha'u dehan nia la'ós polísia tanba foin dadauk kilat mai ne'e la liu husi polísia," katak Lere hafoin remata enkontru semanál ho Prezidente Repúblika (PR) Francisco Guterres Lú-Olo iha Palásiu Prezidensiál bairru-pite, Kuarta (14/10).

Lere mós konsidera situasaun ne'e sei fó perigu ba Timor-Leste, liuhusi loke dalan ba ema sivíl sira hodi kaer kilat.

"Aban-bainrua ida-idak sosa kilat, ida-idak hatama kilat. Agora PSIK ida foin dadauk simu kilat ne'e iha komandu polísia nian ka iha se nia okos, tanba ne'e governu tenke estuda didi'ak, tanba matéria funu nian la'ós buat halimar," nia tenik.

Tuir nian, loloos kilat sira ne'e tenke liuhusi PNTL mak distribui ba PSIK, mais agora ne'e PSIK mesak hola, entaun aban-bainrua organizasaun la'ós governu (NGO) mós bele rekezita kilat, se loke ona dalan hanesan ne'e.

Hatan ba kestaun ne'e, Ministru Defeza no Seguransa (MDS) Filomeno da Paixão de Jesus dehan, dekretu governu nian mak fó direitu.

"Instituisaun ne'ebé aprovadu husi Konsellu Ministru atu nia uza kilat, purtantu la'ós kilat boot no naruk, maibé sira uza pistola de'it no pistola ne'e ha'u rona dehan mai hotu ona ne'ebé ita implementa de'it," dehan Ministru Filomeno

Nia afirma, PSIK iha direitu atu uza porte de armas, tanba hetan autorizasaun husi KM, maibé regras empeñamentu la'ós tiru arbiru só uza iha tempu ne'ebé nesesáriu tanba PSIK halo servisu ne'ebé todan teb-tebes.

"Sira-nia servisu ne'e sufistikadu teb-tebes to'o krime sira ne'ebé la konsege detekta ne'e, só sira maka dekteta no sira bele hetan impedementu barak durante sira-nia servisu tanba ne'e maka estadu, governu hanoin no deside atu sira tenke iha protesaun ba sira-nia isin loloon," katak nia.

Maske governante ne'e dehan, dekretu ministeriál MJ nian mak fó direitu hodi PSIK kaer pistola, maibé Komandante Jerál PNTL Komisáriu Faustino da Costa atu haree fila fali legalidade ne'ebé iha.

"Atu dehan de'it katak, ida ne'e mak situasaun ne'ebé PNTL mós hetan, ne'ebé ita presiza haree didi'ak ba situasaun ne'e, liu-liu ba parte legalidade ninian," dehan Faustino.

Iha fatin hanesan, Primeiru Ministru (PM) Taur Matan Ruak katak, ema ne'ebé atu uza arma funu nian, presiza tuir formasaun de'it.

"Rekezitus báziku ne'ebé ema hotu hakarak lori kilat ka lei fó permite hodi lori kilat, ne'e nia kritéria mak treinamentu ka formasaun, ne'e importante para nia hetan sertifikasaun lori kilat nian," dehan PM Taur.

Xefe governu mós fó ezemplu katak, atu kaer kilat tenke iha formasaun, hanesan mós atu lori kareta presiza treinu.

"Formasaun ne'e importante, hanesan mós ita kaer kareta ita tenke treinu, kaer motor tenke iha treinu, entaun kaer kilat mós hanesan," nia dehan.(*)

Tempotimor (Dili)-Relasiona ho polémika ba rezignasaun Ministru Finansas (MF) Fernando Hanjam, Primeiru Ministru (PM) Taur Matan Ruak hatete katak, nia seidauk simu karta rezignasaun husi Ministru Hanjam, maibé nia mak haruka de’it ministru ne’e deskansa.

Xefe Governu ne’e dehan, maske informasaun ne’e esplla ona iha media balun, maibé to’o ohin nia seidauk simu karta rezignasaun husi MF Hanjam.

"Ha'u seidauk simu karta rezignasaun, maibé buat saida mak ha'u fó autorizasaun mak señor ministru kontinua lai estadu konavalesensia ka deskansa iha uma, tanba nia saúde la permite atu kontinua nia servisu," dehan PM Taur iha Palásiu Prezidensiál Bairru-pite, Kinta (15/10).

Hafoin rekupera nia saúde, PM Taur hatete, mak sei haree oinsa atu hala’o serbisu.

"Agora nia moras, ne'ebé hela de'it iha uma, depois nia di'ak ona mak ita haree ninia servisu.”

"Nia moras saida ne'e ha'u labele ko'alia iha ne'e, maibé ne'e médiku sira hatene, buat ne'ebé ha'u hatene mak nia saúde la permite," dehan PM.

Bainhira ministru sei deskansa, PM Taur hatutan, kompeténsia Ministériu Finansas nian delega ba vise ministra Sara Lobo Brites.

Entretantu tuir observasaun, sorumutuk KROP ba OJE 2021, Ministru Hanjam partisipa dala rua de'it hafoin moras, Vise Ministra Sara Lobo maka kontinua partisipa to'o remata. (*)

Tempotimor (Díli)- Primeiru Ministru (PM), Taur Matan Ruak felisita Programa Alimentár Mundiál husi atribuisaun Prémiu Nobel ba Paz tinan 2020, tanba bele fó brani hodi aposta estratejia Timor-Leste (TL) nian, atu kombate ki'ak.

Tempotimor (Dili) - Maske membru Parlamentu 21 husi Partidu CNRT fo Votus Absteinsaun maibe Orsamentu Jeral estadu tinan 2020, dala ida ne;e passa ho votu maioria 44 afavor mai husi bankada hitu iha Parlamentu nasional.

Tempotimor (Dili)-Primeiru Ministru Taur Matan Ruak kritika fila fali deputadu husi bankada CNRT ne’ebé kestiona kona-ba asesor internasional iha instituisaun governu. Tuir PM Taur, governu ne’ebé molok ne’e lidera husi CNRT mak halo lei hodi fó dalan ba instituisaun sira atu rekruta asesor internasional.

Tempotimor (Dili)-Primeiru Ministru Taur Matan Ruak hatete, deputadu sira iha Parlamentu Nasionál ne’ebé la apoiu proposta orsamentu governu nian signifika katak deputadu ne’e iha intensaun atu ke’e rai-kuak ba Timor-Leste.

Tempotimor (Dili)-Maske Timor-Leste iha politika ne'ebé diferensiasia, maibé ninia lideransa sira kontinua buka solusaun hodi rezolve liu husi dalan ne’ebé di’ak, tanba ho objetivu ida de'it ba nasaun ne’e ninia di’ak.

Tempotimor (Dili)-Primeiru Ministru Taur Matan Ruak ne'ebé lidera governu konstitusional daualu husu ba deputadu sira iha Parlamentu Nasional atu aprova proposta Orsamentu Jeral Estadu (OJE) 2020 tanba durante ne’e estadu TL moris de’it ho Dotasaun Orsamentu Temporariu.

Page 1 of 7

.