Matebian ne’ebé antes ne’e sofre moras stroke hemoragic, no kareta ambulánsia foin transporta nia husi nia hela fatin iha Kampung Merdeka, Komoro, Dili atu ba konsulta moras ne’e iha Hospital Nasionál Guido Valadares (HNGV) iha Bidau, Toko Baru, Dili.

Maibé, médiku sira imediata foti pasiente ne’e ba halo swab ho rezultadu positivu Covid-19, nune’e, lori kedan ba Vera Cruz, domingu (11/04).

Ho ida ne’e, Xanana deside hola kaixaun lori ba sala izolamentu iha loron segunda (12/04) hodi ajuda família lori sai matebian.

"Imi nonok, hau hatene ne'e mak hau mai ne'e, imi nonok," Xanana basa no hakilar ba feto sira maka tanis husu nia tulun iha besik sala Izolamentu Vera Cruz, kaikoli.

Bainhira Xanana tun husi karreta família tanis hasoru líder nasional ne’e dehan, “Kaisaun mai ona. Ha’u tenke dehan, ha’u kontra Covid-19. kona-ba Covid-19 ne’e ha’u haleu fronteira tomak”, afirmaXanana no fila Baku feto ne’ebé tanis no hakilar atu nonok.

Eis Prezidente Republika ne’e hatete, nia parte mós COVID-19 preokupa sesde hahú, “mas halo hanesan ne’e ha’u la simu”, xanana hatudu limam ba sala ne’ebé matebian iha laran.

Tanba ne’e, Xanana deklara lafiar doutor sira ne’ebé halo servisu ba Covid-19. “Ha’u la fiar doutor sira. Ha’u la fiar Doutor Rui Araújo, tanba ema moras kleur ona iha uma, nia ba ospital mate iha ospital lori mai iha dehan falo Covid. Ami ba hasai”.

Xanana temi nafatin doutor Rui no dehan “doutor sira iha ospital mós dehan nune’e, imi moras boot ona lalika mai ospital, imi ba ospital sira hatun hotu Imi mate tan Covid-19”.

Eis Lider Rezistensia ne'e rekoñese Covid problema ne’ebé ema hotu preokupa, “mais la’ó hanesan ne’e. Sira isin di’ak hotu. Nusa nia moras iha uma tanba katuas ona moras ba ospital dehan fali Covid-19”, Xanana hakilar ho lian maka’as.

Bainhira família sira tanis hodi husu ba Líder Karismátiku ne’e basa inan feto no haruka família nonok no labele tanis.

“Hei… nonok ha’u hatene mak ha’u mai iha ne’e”, dehan xanana ba família matebian.

Hafoin ne’e, Xanana hakat pasu ida família kontinua hakilar, mak Xanana basa tan feto ida ne’ebé tanis hodi hakilar nonok.

Maske informasaun ne’e www.tempotimor.com fó sai maibé seidauk hetan konfirmasaun husi Sentru Integradu Jestaun ba Krize (SIJK). (*)