“Provizoriamente vasina ne'ebé di'ak mak munisípiu Vikeké ho Dili, ne'ebé sira-nia primeira doze ne'e atinje 90% e ba segunda doze iha 80 %”, dehan Ministra Odete, bainhira hasoru malu ho Vise-Primeira Ministra no MSSI, Armanda Berta dos Santos, iha rezidénsia PM, Farol, segunda (04/04).
Maibé vasina ba munisípiu sira seluk ne'e la'ós dehan la di'ak, maibé sira foin atinje pursentu 71. Ba Munisípiu Ermera dadaun ne'e ministériu saúde fó atensaun liu tanba ninia atinjimentu ne'e kiik liu kompara ho MInisípiu sira seluk.
“Ermera mak ita presiza fó nafatin atensaun ba tanba ninia atinjimentu ne'e, Primeiru doze foin 70% ital e segunda doze ne'e foin 50%, ne’e ki'ikoan tebes, entaun ami fó hela atensaun ba Ermera”, hatete nia.
Tanba ne'e MS kontinua hala'o nafatin atividade vasinasaun hasoru Covid-19 iha teritóriu Timor laran tomak atubele atinje n’umeru ne’ebé hakarak hodi prevene sidadaun hotu husi Covid-19.
“Ita haree ba alvo ne'ebé mak iha, alvu sira ne'ebé mak elezivel, populasaun elezivel ne'ebé ita klia mak ema idade 60 anos ba leten, Front line sira, nomós ema ho komorbidade, alvu ida ne'e ita atinje 85 % ba primeira doze, nomós 73 % ba segunda doze, ne'ebé se ita hakarak haree de’it iha Timor laran tomak, se ita foti ita-nia populasaun millaun 1.3 pesoál ne'e, entaun ita-nia kobertura ne'e seidauk atinje to’o iha 80%, ida ne'e servisu ida ne'ebé ita presiza halo, ita la ko'alia ona kona-ba populasaun elezivel maibé ita ko'alia kona-ba populasaun Timor nia, ne'ebé ita uza dadus sensus 2016 nia, 1.3 Milhões abitantes ne'e, karik ita lori sira bele hetan vasina to’o 80% ne'e pelumenus”, afirma nia.
Tanba ne'e Organiasaun Mundiál Saúde (OMS) mós husu ba MS karik bele atinje 90 % iha fulan-juñu, la'ós ba primeira doze maibé ba sira ne'ebé vasina kompleta ona, bele atinje iha fulan-juñu.
“Ne'e servisu ida ne'ebé mak MS presisa atu halo, importante tebetebes hanesan vise ministra, no Ministra Interinu tau preokupasaun ba vasinasaun n mós ita husu ba komunidade sira-nia partisipasaun tanba ita hakarak hothotu hetan vasina, vasina ne'e la'ós obriga, maibé ne'e ita nia direitu atu simu vasina, se ema hothotu vasina no ita hakarak ita-nia nasaun bele iha atinjimentu ne'ebé mak di'ak”, haktenik nis. (*)
