“Sim, 50% ita kobre ona labarik idade 12 ate menus idade 18 ne'e ba primeira doze ba vasina pfizer nia, iha teritóriu tomak”, dehan Ministra Odete, bainhira hasoru malu ho Vise-Primeira Ministra no MSSI, Armanda Berta dos Santos, iha rezidénsia PM, Farol, segunda (04/04).
Ba vasina pfizer segunda doze, foin atinje pursentu 20, tanba sira presiza verifika hafoin kompleta ba doze daruak nian.
“Sim, sira tenke hein semana ida ka semana rua atu verifika fali mai, hafoin hetan sira-nia segunda doze ou kompleta, entaun segunda doze ne’e ha'u haree hanesan 20 ital porsentu ona”, informa nia.
Maibé espera essola sira ne'ebé mak iha, hothotu bele simu vasina liliu vasina pfizer nia, Ministériu mós hahú atu haree ona oinsá bele labarik idade 5 to’o idade 11 ne'e mós simu vasina pfizer atu luta hasoru Covid-19.
“Ita mós hein hela, ami mós enkontru hela ho Organizasuan Munidál Saúde (OMS), atu haree vasinasaun ba labarik sira idade 5 ate 11 anos, ne'e ohin hato'o ona ba vise ministra, ami presiza iha karta ida, rekomendasaun ida husi ita-nia ekipa, ita-nia komisaun independente ida ne'ebé mak ami bolu National Immunization Technical Advisory Group (NAITAG), bele halo rekomendasaun ida mai atubele ita hahú vasina ba pfizer hasoru Covid-19 ba labarik sira idade 5 ate 11”, dehan nia. (*)