Login to your account

Username *
Password *
Remember Me
Tempo Timor

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

Tempotimor (Baukau)-Diresaun Nasionál Transporte Terestre (DNTT) Munisípiu Baukau konsege, rekolla reseita hamutuk US$151.846 ba kofre estadu durante tinan 2022 nia laran.

Comment

Tempotimor (Díli)-Servisu Investigasaun Kriminál Nasionál (SIKN), hamutuk ho Servisu Sekreta forsa rua ne’ebé envolve Servisu Informasaun Polísia Nasionál (SIPN-PNTL), Aranha, Makikit, Servisu Informasaun Militar (SIM-F-FDTL), Unidade Falintil, J2 junta ho Servisu Nasionál Intelijénsia (SNI) ba kaptura ona suspeitu ho inisia OdcX, ne’ebé deskonfia sona vítima Damazo Guterres iha área Bidau besik Ponte BJ Habibie.

Komandu Jerál PNTL hola medida polisiál liu hosi servisu sekreta lansa vizilánsia iha territóriu nasionál hodi buka tuir suspeitu ne’ebé mak sai autór prinsipál bá kazu asaltu no tentativa omisídiu ida-ne’e no Komandu PNTL Munisípiu Manufahi halo kapturasaun ba suspeitu joven mane ida ho naran inisiál OdcX, tinan 21, iha Fatuberliu, Munisípiu Manufahi no hela iha Bidau Masaur.

Prosesu identifikasaun, suspeitu deklara kronolojia katak, nia ba festa iha paradise Areia Branca-Cristo Rei, ho kondisaun lanu dansa isin kona-malu mak suspeitu OdxX ho ema atu baku malu, (laos legadu ne'ebé nia sona), nune’e mosu dezentendimentu fíziku no suspeitu la satisfás fila ho motór marka Honda Scopy kor mean metan, Xapa matríkula P. 6232, mai foti kroat (tudik) iha uma Bidau Masaur Raihun no lori fali ba iha festa, maibé suspeitu la konsege hetan, nune’e sona fali ema seluk ho naran Damazo Correia Guterres (DCG) iha parte kotuk laran ho tudik iha área Bidau Lecidere, besik ponte BJ Habibie ne’ebé laiha ligasaun ho dezentendementu iha festa refere.

Hafoin sona tiha vítima iha Ponte BJ Habibie, kalan ne'e kedas suspeitu ho motór halai ba subar iha Fatuberliu-Manufahi.

Entretantu vítima ho naran kompletu Damazo Correia Guterres, tinan 30, hosi Basarawai, Suku Haeconi, Postu-Administrativu Baguia, Munisípiu Baucau, hela iha Aldeia Bekusi Sentru, Suku Becora, Postu-Administrativu Cristu-Rei, Munisípiu Díli, hetan asaltu no tentativa omisídiu agravadu iha loron 07 fulan-janeiru 2023, iha tuku 21:45 Otl kalan.

Hafoin hetan sona tudik belit hela iha nia kotuk laran, vítima Damazo Correia Guterres, sa’e rasik ninia motór konsege ba to’o iha Ospitál Nasionál Guido Valadares (HNGV), Bidau, Dili, atu hetan tratamentu saúde.

Hafoin transporta hosi Komandu PNTL Munisípiu Manufahi mai Kuartel Jerál Caicoli Dili, ekipa SIKN daudaun aselera ninia prosesu tuir prosedimentu krime ne’ebé iha hodi submete bá prosesu investigasaun durante oras 72 nia laran, wainhira konklui sei aprezenta ba Tribunál Distritál Dili hodi submete ba iha Primeiru Interogatóriu.

Nune’e, Porta Voz Polísia Nasionál Timor-Leste PNTL Superintende Xefe Arnaldo Monteiro afirma, suspeitu OdCX daudaun PNTL asegura ona iha Komando Munisípiu Dili hodi hein enkamiña ba Ministériu Públiku.

"Dadaun suspeitu asegura iha Komando Munisípiu Dili hodi halo identifikasaun, ita asegura hodi halo identifikasaun ba nia hodi bele lori nia bá Ministériu Públiku, orientasaun husi Ministériu Públiku, tanba liu ona oras 24, asegura ne'e iha polísia nia liman atu bele emkamiña ba Ministériu Públiku hodi halo kompetensia", dehan nia

Prosesu kapturasaun ne'e informa husi fontes balun ne'ebé hato'o kedas ba Komando Munisípiu ikus mai konsege kaptura suspeitu iha nia hela fatin iha Aldeia Fatubessi Suku Fatukahi, Postu Administrativu Fatiberliu Munisípiu Manufahi.

Superintende Xefe haktuir, antes atu akontese suspeitu OdCX sona Damazo Guterres, vítima la iha relasaun ho problema nia hun ruma kona-ba kazu omesidiu ne'ebé akontese iha Bidau.

"Ha'u bele dehan katak, mane (Damazo Guterres) ida ne'ebé nia sona ne'e inocente, vítima ne'e la hatene buat ida, nia bá tur iha Ponte BJ Habibie nia sai vítima saugate de'it ida ne'e haktuir husi suspeitu OdCX rasik", nia hatutan.

Tanba ne'e, PNTL husu ba komunidade, joven sira no família sira, atu labele envolve an iha problema sira atu prezudika ba sira nia aan no mós ba ema seluk no di’ak liu halo buat ne'ebé pozitivu. (*)

Comment

Tempotimor (Díli)-Ministra Solidariadade Sosiál no Inkluzaun (MSSI), Armanda Berta dos Santos hatete, uma-kain hamutuk rihun 28 la simu subsidiu US$200 ba fim do ano husi Governu, tanba naran laiha lista.

Comment

Tempotimor (Dili)-Prezidente Autoridade Munisípiu Dili, Guilhermina Filomena Saldanha Ribeiro hatete, sei la apoiu nesesidade bázika ba vítima insendiu iha Merkadu Taibessi, maibé sei fahe de’it hahan ba sira husi dader, meudia no kalan, durante loron tolu nia laran.

Comment

Tempotimor (Dili)-Governu Japaun komprimitidu atu simu Timoroan ba estájiu no bele mós hetan servisu iha Japaun.

Comment

Tempotimor (Dili)-Diretor Ezekutivu ba Organizasaun Non Governamental (ONG) Luta Hamutuk, José Alves da Costa husu ba ba Parlamentu Nasionál (PN) no parte relevante sira seluk atu halo revizaun ba Lei Tráfiku Umanu iha Timor-Leste hodi prevene joven sira nia atetude ne’ebé kontinua oho-malu iha dalan.

Comment

Tempotimor (Dili)-Ohin loron tersa 10 fulan-janeiru tinan 2023, meudia purvolta tuku ida ho balun, akontese tán insendiu ka ahi han uma ne'ebe komunidade sira uza ba fa'an sasan iha merkadu Taibessi.

Comment

Tempotimor (Dili)-Ministru Obras Públikas (MOP), Abel Pires da Silva, orienta Diretór Jerál Estrada, Ponte no Kontrolu Seias (DJEPKS), Rui Hernani ho nia Diretór Nasionál sira atu aselera dezeñu ba estrada munisipál, urbana inklui ba ponte sira ne’ebé daudaun la’o hela.

Comment

Tempotimor (Dili)-Komandu Polísia Nasional Timor-Leste (PNTL) Munisípiu Manufahi hatun diretiva ba Seksaun Tránzitu, hala'o atividade pasa revista konsege prende viatura 13, ne’ebé viola kódigu estrada.

Comment

Tempotimor (Dili)-Implementasaun ba Programa Nasionál Cesta Bázika ne'ebé responsável husi Sekretária Estadu Kooperativa (SEKOOP), atinje ona pursentu 96 (96%).

Comment

Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter