Aprovasaun projetu Dekretu-Lei, ne’ebé aprezenta husi Ministru prezidénsia Konsellu Ministrus, Hermenegildo Augusto Cabral Pereira Alves “Ágio Pereira”, kona-ba Pagamentu Suplementár ba funsionárius, ajentes no kontratadus ho termu sertu iha Imprensa Nasionál Timor-Leste, IP (INTL), ne’ebé halo serbisu impresaun boletins votu ba eleisaun parlamentares tinan 2023, ne’ebé hala’o iha loron 21 fulan-maiu liubá.

Tanba pagamentu suplementár ida-ne’e ho objetivu atu fó prémiu ba traballadór sira ne’ebé serbisu durante prosesu impresaun boletins votu, no fó kompensasaun ba sira ho kondisaun espesiál tanba limita sira-nia liberdade pesoál ho serbisu todan tebetebes ne’ebé sira hasoru.

Iha direitu ba pagamentu suplementár ne’e maka funsionárius, ajentes no kontratadu sira INTL nian de’it, ne’ebé serbisu durante prosesu impresaun boletins votu no iha rejime serbisu permanente, tuir turnu, durante oras 24 loroloron, laiha interrupsaun, durante períodu durasaun ba serbisu ne’e. (*)