Tuir informasaun ne’ebé www.tempotimor.com, asesu husi pájina midia TIC TIMOR katak, enkontru ne’ebé halo ho objetivu atu ko’alia klean liután kona-ba “Artificial Intelligence (AI) Readiness Assessment (AIRA) liga ho implementasaun kona-ba rekomendasaun sira ba Etika ba Inteligência Artificial ne’ebé asina hosi nasaun estadu hamutuk 193.
Iha Diskusaun inisiál halo ona liuhusi enkontru virtual entre TIC Timor no ekipa UNESCO nian. No enkontru ida ne’e ekipa UNESCO hakarak atu atualiza preparasaun servisu hodi realiza AIRA ne’e hamutuk ho ekipa TIC Timor.
Tanba Preparasaun sira inklui presiza haree hamutuk pergunta sira ne’ebé uza ba halo AIRA, defini hamutuk nia durasaun tempu ba hahu AIRA no identifika parseiru importante sira ne’ebé sei hola parte iha AIRA.
Iha enkontru ne’e, ekipa TIC TIMOR mós fahe informasaun kona-ba planu estratejiku ba Timor Dijitá 2032, ne’ebé sai hanesan dokumentu prinsípal liga ho polítika Governu nian iha área dijitalizaun no TIC.
Entretantu enkontru refere hala’o iha edifisiu TIC TIMOR Palacio Governo. (*)