Tempotimor (Díli) – Primeiru Ministru Taur Matan Ruak, Kinta (05/09/19) hato’o sentidu kondolénsia ne’ebé kle’an, ba família enlutada saudozu Lucas da Costa “Rama Metan” Reitor Universidade da Páz, no Fundadór RENETIL, ne’ebé husik ona mundu iha tuku 08.00 OTL, Kinta 05 Setembru 2019 iha Ospitál Nasionál Guido Valadares (HNGV).

“Sente triste rona notísia ida ne’e. Timor-Leste lakon timoroan matenek di’ak ida ne’ebé dedika nia an tomak ba área edukasaun, hanesan Reitór UNDIL no UNPAZ hodi kontribui ba ita-nia rekursu umanu. La’ós ne’e de’it, iha tempu okupasaun, nia mós kontribui ba ita-nia nasaun nia luta liuhosi RENETIL, hodi ohin ita sai nasaun ida livre no independente,” PM Taur hatete.

Aproveita okaziaun ne’e, PM Taur mós hakarak hato’o ninia sentidu profundu kondolénsia ba família saudozu nian, ne’ebé triste hela tanba lakon ema di’ak hosi sira-nia leet.

“Ita hotu reza ba nia, atu nia klamar simu iha Nai Maromak nia Kadunan Santu, moris rohan la’ek hodi kontinua tau matan ba nia família, no ita hotu hodi kontinua obra ne’ebé nia husik hela iha mundu ne’e,” PM Taur esplika.

 

Tempotimor (Dili) – Fundadóra Partidu Kmanek Haburas Unidade Nasionál Timoroan (KHUNTO), Olinda Guterres ezije nafatin para CNRT no PLP troka sira-nia membru Governu, ne'ebé la hetan pose husi Prezidente Repúblika hodi nune'e, KHUNTO sei lori nia ema ba halo juramentu iha foho Ramelau.

"Governu tenke kompleitu, para ami mós lori ami nia ema ba halo juramentu iha Ramelau. Governu la pronto, oinsá ami lori ami nia ema ba juramentu iha Ramelau," dehan fundadóra Partidu KHUNTO, Olinda Guterres iha PN, Sesta (04/10/19).

Alende ne'e, Konseleiru Máximu AMP no Partidu KHUNTO, Naimori Bucar mós deklara ona katak sei lori membru Governu husi KHUNTO nian, inklui grupu arte marsiais sira ne'ebé vota ba KHUNTO hodi ba halo juramentu iha Ramelau.

"Ha'u prontu sei lori ha'u nia membru sira ba juramentu iha Ramelau, bainhira hetan pose ona husi Prezidente Repúblika. La'ós KHUNTO de'it, maibé arte marsiais hotu ne'ebé vota ba KHUNTO sei ba hotu iha Ramelau hodi labele iha problema beibeik. Tenke harii dame ba Governu no juventude sira," deklara Naimori Bucar iha inísiu 2019.

Tempotimor (Dili) – Vise Prezidente Parlamentu Nasionál, Luis Roberto hatete para bele ezekuta ho di'ak Orsamentu Jerál Estadu (OJE) 2020, presiza halo kompleta estrutura membru Governu, inklui na'in sia (9) ne'ebé to'o agora sediauk hetan tomada pose, husi Prezidente Repúblika.

“PN husu nafatin ba Prezidente Repúblika atu fó pose ba membtu Governu na'in sia (9) hodi bele ezekuta OJE 2020. Bainhira la hetan pose, susar atu hetan garantia ba ezekusaun orsamentu ho di'ak,” hatete Vise II PPN ne'e ba média, Segunda (07/10/19) iha Parlamentu Nasionál.

Nia esplika, PN hala'o ninia funsaun hanesan reprezenta povu hodi prevee orsamentu. “Maibé, atu ezekuta ou halo jestaun ba OJE ne'e, Governu mak hatene. Tan ne'e, ita husu ba Prezidente Repúblika atu halo kompletu ou fó pose ba membru Governu na'in sia (9),” Luis husu.

Entretantu, deputada Bankada PLP, Maria Angelina Sarmento hateten, iha proposta IJE 2020 ne'e, dia 15 Uutubru sei mai iha PN sei halo diskusaun. Nune'e, sei halo revizaun ba OJE atu tetu oinsa Governu atu ezekuta.

"Tanba ne'e PN nia funsaun atu fiskaliza no fó hanoin dei't ba Governu.  Tanba ne'e ita hotu fo fiar ba Governu nu'udar ezekutadór atu bele ezekuta OJE povu nian. Nune'e, atu ezekuta ho di'ak depende ba Governu atu oinsá para bele rezolve mós membru Governu ne'ebe inkompletu hodi garante ba ezekusaun osan povu nian," katak Angelina.

Nia afirma, proposta OJE ba tinan 2020 ne'ebe aprova ona husi Konselu Ministru ho montante $ 1.95 Biliaun atu ezekuta ho diak filafali ba Goveru.

 

 By Raimundus Oki & Monty Jacka

Tempotimor (Dili) – The National Parliament has approved legislation for the ratification of the Maritime Borders treaty between Timor-Leste and Australia.

The bills were presented in government on July 16, in the presence of the Minister of Petroleum and Minerals, Agio Pereira, and the current Minister of Finance, Sara Lobo Brites.

In Parliament, chief negotiator Xanana Gusmão and President of the National Petroleum and Mineral Authority, Gualdino da Silva, presented the outcomes of the negotiation process with the petroleum companies currently operating in the joint development area. 

They explained that the proposed laws aim to adapt existing legislation necessary for the treaty between Timor-Leste and Australia to be officially confirmed, and for maritime borders to be established in the Timor sea. 

During the opening speech of the general debate on July 18, Agio Pereira stressed the importance of the treaty to Timor-Leste.

"Officially defining maritime borders with Australia will not only allow Timor-Leste to improve it’s standing in economic-social globalization, but also enhance sustainable and balanced development for our young country, contributing to the construction of a prosperous future for all of us."

Mr Pereira added that "the defining of borders will undoubtedly strengthen foreign business and investment, increase jobs and develop, among other things, the fisheries and tourism sectors."

The treaty will only take effect after the two states - Timor-Leste and Australia, consider the "transitional arrangements" concluded, the governor explained.

Mr Pereira also stated that " the Maritime Boundary Treaty that the Government submits for ratification of the National Parliament, together with the four bills, aims to enable Timor-Leste to consolidate its independence and territorial sovereignty as far as it is necessary to ensure ratification of the Maritime Borders Treaty."

“On August 30, we will not only celebrate 20 years of the popular consultation, but also the entry into force of the Treaty that will enable us to exercise sovereignty in the waters and resources of the Timor Sea, achieve our full sovereignty and become as a Nation, every time, stronger! "

The bills will now be debated and voted on in the specialties by the committees of the National Parliament, from July 19-23.

On July 24 the legislative package returns to parliament for the final vote on the proposed laws and vote on the resolution ratifying the treaty that defines the Maritime Borders between Timor-Leste and Australia.

The final essay will be sent to the President of the Republic on July 26.

Tempotimor (Dili) – Desputa kona-ba rai iha Kaitehu, Munisípiu Likisa entre Marino Enterprise ho Kompañia China Harbour, to'o iha Parlamentu Nasionál.

Prezidente Parlamentu Nasionál (PPN), Arão Noé de Jesus Amarál rekoñese, karta ne'ebé Marino Enterprise dirije ba Xanana Gusmão ne'e, tama mós iha Parlamentu Nasionál hodi husu Komisaun A atu akompaña prosesu.

"Karta Marino Enterprise nian ne'e, dirije ba maun boot Xanana Gusmão atu sai negosiadór ka mediadór. Tanba ne'e mak haruka mai Parlamentu Nasionál no haruka ba komisaun A para bele halo akompañamentu ba prosesu ne'e," Arão Noé informa iha Parlamentu Nasionál, Kinta (19/09/19).

Kona-ba problema ne'e, PPN husu Governu presiza halo esplikasaun klaru ba públiku, kona-ba lisensa Kompañia China Habour, ne'ebé hala'o servisu interese ba estadu nian.

"Ha'u mós ba to'o iha ne'ebá haree. Sei momentu ne'e, Governu fó aluga ba Kompañia China Harbour para hodi hola fatuk ne'e iha leten liu. Marino Enterprise ninia rai mak iha tiha rai huun ne'e tomak, halo nusa Governu bele fó aluga rai ne'e ba ema, sein asesu rai hodi ba iha fatin hodi fera fatuk?" PPN husu.

Alende ne'e, problema seluk tan tuir PPN mak Marino Enterprise laiha dokumentu legál husi rai nain ne'ebé nia hola ne'e.

"Problema ida mak kona-ba fa'an no sosa rai ne'e. Iha sertifikadu anteriór husi Portugues no Indonézia nian, ka faan de'it rai mamuk mak notariadu halo vistu? Tanba, ha'u haree dokumentus husi Kompañia Marino Enterprise ne'ebé haruka mai hau, la hetan dokumentus rai titular orijinál nian," dehan Arão Noé.

Tuir Arão, presiza avalia didi'ak dokumentus ne'e tanba keta rai ne'e fa'an tanba uluk kintal rai na'in nian. Depois mak ida sosa ne'e ba sosa mak bele to'o iha notariadu hodi vistu.

KSOLOK seremonia tinan 20 referendu ka Konsulta Populár, liu tiha ona. Timoroan, liuliu estranjeiru sira ne'ebé hetan rekonesementu no valorizasaun ba sira-nia kontribuisaun ba rai doben ida ne'e mós, fila hotu ona.

Maski nune'e, iha naran ida ne'ebé komisaun organizadora tinan 20 referendu haluha tiha husi lista naran konvidadus estranjeiru sira. Ema ne'e, loloos hetan mós kondekorasaun iha seremonia tinan 20 referendu ka Konsulta Populár.

Saskia Kouwenberg. Feto Olanda ida ne'ebé brani duni. Sei la'ós tan Saskia, mundo internasionál sei la hatene, saida mak akontese iha masakre Santa Cruz, 12 Novembru 1991. Ho ninia brani, Saskia konsege lori sai husi Timor, kasete gravasaun video Max Stahl nian iha Santa Cruz.

“Saskia feto brani tebes no determina subar kasete iha nia roupa laran hodi nune'e mundo bele haree imajen 12 Novembro nian,” hatete A.F de Sa, ema ne'ebé koñese Saskia liu husi istoriador balun.

Tuir fontes ne'e, estadu Timor-Leste kondekora ona ema barak. Maibé, ema ne'ebé merese liu, barak mak estadu haluha ou la hatene, nune’e ladauk valoriza sira nia kontribuisaun inklui Saskia.

Konvite ne'ebé Komité Popular fó sai, Segunda (09/09/19) hatete, komité ne’e sei oferese Prémiu Populár ba Saskia.

“Hanesan Timoroan barak hatene katak mana Saskia (Jornalista Freelance iha tempu ne’ebá) mak lori sai filmajen 12 Novembru 1991 nian ne’ebé Jornalista Max Stahl halo no subar hela iha rate laran, tanba tauk Militár Indonézia hadau husi nia,” hakerek konvite ne'ebé fó sai husi Komité populár.

“Mana Saskia lori sai Filme ne’e ho maneira brani no determinadu. Lori ba hatudu iha nasaun boot sira ne’ebé antes ne'e apoiu Indonézia nia okupasaun. Ikus mai nasaun hirak ne'e muda sira-nia pozisaun, fó sansaun ba Indonézia no apoiu ba Timor-Leste nian auto-determinasaun,” hakerek anunsiu komité populár.

Komité Populár sei oferese prémiu rekoñesimentu nian ba Mana Saskia. Ba nia dedikasaun sira ne’ebé nia halo ona ba rai doben Timor Lorosa’e,” komité populár hatete.

Entrega prémiu populár  ba Saskia ne’e sei realiza iha Komité 12 Novembru, Balide, Tersa (10/09/19) tuku 9.30 OTL.

Tempotimor (DILI) - The eighth government led by Prime Minister Taur Matan Ruak celebrated one year of his government on June 22.

Tempotimor (Dili) - Timor-Leste no Repúblika Indonezia seidauk kompleta solusiona fronteira tetrestre no seida'uk iha fronteira marítima definitivu. Nune'e atu solusiona ida ne'e Governu Timor Leste entrega responsabilidade tomak ba Xefe Negosiador Kay Rala Xanana Gusmão.

Tempotimor (Díli) – Primeiru Ministru VIII Governu Konstitusionál, Taur Matan Ruak lori povu Timor-Leste nia naran, hato'o agradese ba Ian Martin ne'ebé fó ona ninia kontribuisaun ba Timor-Leste nia destinu, liuhosi referendu iha 30 Agusto 1999.

"Hanesan Primeiru Ministru, lori povu no nasaun Timor-Leste nia naran hakarak agradese ba ita boot 'Ian Martin' liuhosi apoiu, kontribuisaun no kapasidade lideransa jestaun durante tinan ruanulu nia laran ba kotuk, ne'ebé iha situasaun difisil liu, iha ami nia nasaun," PM Taur Matan Ruak espresa nia agradesimentu ba Ian Martin iha Hotel Timor, bainhira komemora loron 4 Setembru ba dala ruanulu, Kuarta (04/09/19).

Lider Nasionál ne'e mós dehan, maski situasaun iha tempu ne'ebá defisil tebes, maibé Timor-Leste konsege hetan nia vitoria ba libertasaun. “Parabens ba ita boot, Ian Martin,” hatete PM Taur.

Tempotimor (Dili) – Bankada Demokrátika iha Parlamentu Nasionál husu Governu atu konsidera amu João de Deus Pires, SDB nia partisipasaun ba luta libertasaun povu no nasaun Timor-Leste.

"Ita nia luta ne'e maka'as liután. La'o di'ak liután, bainhira igreja Katólika tama iha laran.  Hahú amu na'in rua, ne'ebé mak fasilita hanesan amu Afonso no amu Luis ne'ebé fasilita para Dom Martinho bele hasoru malu ho maun boot Kay Rala Xanana Gusmão iha liurai Miguel nia fatin iha Mehara," deklara Prezidente Bankada PD Mariano Assanami Sabino iha Plenária, Parlamentu Nasionál, Segunda (23/09/19).

Nia afirma, bainhira ita akordu ona katak igreja Katólika partisipa tomak iha luta libertasaun ne'e, maibé estadu iha de'it dalan úniku mak rejistu naran.

"Ita haree katak estadu iha de'it mak ema tau naran.  Entaun, ema balun husi igreja Katólika lakohi tau naran. Tanba nia sente nia kontribui, komite omenajem, Sekretáriu estadu veteranus, atu identifikasi sira duni. Partisipasaun maka'as liu iha funu ne'e mak amu João de Deus ne'ebé mak horseik laiha ona ita nia leet. Amu Locatelly ne'ebé oras ne'e sei moris. Inklui iha kongregasaun salezianu ne'ebé kontribui amu barak," Assanami afirma.

Tuir Assanami, estadu durante ne'e la rekoñese kontribuisaun husi amu sira nian iha situasaun defisíl nia laran.

"Estadu ne'e la rekoñese, la respeita no la melloria ba ninia ema ne'ebé mak involve. Dehan ema hotu tenke mai tau naran, só rejistu, se la rejistu prontu estadu mós haluha ona nia. Madre Guelhermina nomós amu barak ne'ebé mak katuas ona, ita halo saida? Governu mós tenke tau espesiál," dehan Assanami.

Assanami husu ukun na'in sira atu ukun estadu ne'e ho nakloke tanba estadu ne'e la'os partidu polítika nian, inklui Governu mós la'os partidu polítika nian. Nia dehan, ukun ne'e hanesan instrumentu ida para hetan konfiansa husi povu para ba kaer ukun.

Nia sujere fó fatin ba matebian Amu João de Deus Pires,SDB hodi haloot iha Jardín Dos Erois Metinaru.

Page 1 of 14

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com