“Depois de Roma, ha'u ba liu Jakarta atu komesa ona atu haree wainhira loos, oinsá nusa. Tanba ita iha Fronteira rua, ida mak iha Oekussi nian”, dehan Xanana hafoin audénsia ho Prezidente Repúblika, José Ramos Horta iha Palásiu Prezidensial Bairo Pite, kinta (18/08).
Tanba públiku tomak hatene Prezidente Repúblika foin lalais hala'o vizita ba Indonézia ko'alia ona buat barak ho Prezidente Repúblika Indonézia, Jokowi Dodo ho Governu sentrál Nusa Tengara Timur (NTT).
“Ita-boot sira hatene katak sua eselénsia Prezidente Repúblika foin lalais ba to'o iha Indonézia, ko'alia asuntu barak”, afirma nia.
Durante enkontru regular ho Xefe Estadu, halo mós breefing ida kona-ba rezultadu hirak ne'e atu oinsá bele haree.
Bainhira atu kaer servisu ida, no Prezidente Repúblika kuandu husu, nia tenke hatene buat hothotu, tanba Xefe Estadu, nia mak reprezenta povu tomak no tenke esplika didi'ak ba komunidade. (*)