“Sim, Maun Boot Xanana ba simeira ida importante, simeira kona-ba edukasaun iha loron 19 iha ONU”, dehan Horta liuhusi Komunikadu Imprensa ne'ebé www.tempotimor.com asesu husi Gabinete Repúblika, kuarta (14/09).
Pozisaun Xefe Estadu fó delegasaun ba Xanana tanba nia iha komprimísiu ba ida-ne'e, no husu ba Xanana Gisnão atubele reprezenta Estadu Timor-Leste.
Tuir ajenda ba Simeira Mundiál ida-ne'e sei hetan partisipasan husi Xefe Estadu no Ministru Negósiu Estranjeiru husi nasaun oioin iha mundu.
Ho nune'e ekipa delegasaun ne'ebé sei lidera husi Kay Rala Xanana Gusmão, sei atende mós resepsaun iha loron 20 fulan-setembru ho Prezidente Estadus Unidos Amérika, Joe Biden.
Hafoin remata Simeira Mundiál Edukasaun iha Nasaun Unida, Kay Rala Xanana Gusmão akompaña husi Ministra Negósiu Estranjeiru sei desloka ba Portugal hodi atende enkontru balun iha Lisboa.
Xanana Gusmão desloka ba rai liur ho aviaun Citilink no sei fila hikas mai Timor-Leste iha loron 5 fulan-outubru. (*)