Xefe Governu Xanana rasik simu ona karta ne’ebé haruka hosi Estadu Junta Militár Myanmar nian iha semana kotuk, hafoin Timor-Leste dezide pozisaun husu lideransa ASEAN atu rezolve konflitu problema junta militár iha Myanmar.
“Myanmar espulsa ita-nia dplomata la fó impaktu, ho hanoin katak, Timor-Leste sai nu’udar membru fundadór id aba g7+, organizasaun intergovernamental lidera nasaun ruanolu (20) ne’ebé hetan estatutu observadór permanente iha organizasaun nasaun unida (ONU) hodi ko’alia kona-ba ONU ninia medida bainhira apoiu, la’ós la ko’alia, la’ós ba hanorin, ba kontaktu, ba ajuda ko’alia ho komunidade internasionál kona-ba hari’I estadu, tanba-ne’e mak la fó impaktu ita ajuda hela fatin barak iha Afrika”, deklara PM Xanana, ba journalista, hafoin remata ekontru ho PR Ramos-Horta iha Palásiu Prezidensiál, Dili, foin lalais ne’e.
Xefe Governu reforsa tan, Timor-Leste fundadór ba organizasaun governmental g7+ kompostu nasaun 20 sempre fahe espriénsia ba malu hodi buka rezolve problema estadu razilidade. Ezemplu di’ak ne’ebé Timor-Leste iha di’ak tebe-tebes ne’e mak apoia rezolve prolema Estadu Guinea-Bissau ukun-an iha tinan-74, 2014 ba tinan 40 depois mak foin Timor-Leste ho tinan 12 liu de’it bá ajuda halo primeira eleisaun livre demokratika iha Guinea-Bissau.
PM Xanana fó lembra iha tinan 10 ba kotuk, nia hala’o vizita ofisiál ba hasoru Jenerál Forsa Armada Guinea-Bisaun, Antònio Indjai Sacked hodi hakotu konflitu militár hodi realiza eleisaun demokratiku.
“Iha tinan haatnolu (40) nia laran liu golpe estadu tolunolu (30), ha’u ba hasoru jenerál ida fitun haat (António Indjal Sacked) hakerek no lee la hatene ne’ebé frazilidade boot ida-ne’e ita ajuda. Agora CPLP hasoru malu hela iha São Tome Principe, sira atu deside proxima Simeira iha Guine-Bissau, Guine-Bissaun mós seidauk sai husi nia fazilidade, mas iha mós fatin sleuk hanesan afrika membru g7+ hadi’a dadauk-an, ne’e duni hasai ita-nia ema la fó impaktu ba ita atu tama ASEAN, tamba ASEAN la’ós Myanmar, Myanmar parte husi ASEAN”, afirma Xananan. (*)
