Login to your account

Username *
Password *
Remember Me

Ministra Adaljiza Sei Reprezenta Estadu Vizita ba EUA

Ministra Negósiu Estranjeiru no Kooperasaun (MNEK), Adaljiza Magno. Ministra Negósiu Estranjeiru no Kooperasaun (MNEK), Adaljiza Magno. Foto Suplay

Tempotimor (Dili)-Ministra Negósiu Estranjeiru no Kooperasaun (MNEK), Adaljiza Magno ho ekipa delegasaun sei hala’o vizita traballu ba Estadu Unidu Amérika (EUA) hodi reprezenta Estadu Timor-Leste iha eventu Asembleia Jerál Nasaun Unida sira ba dala-77.

Komunikadu Imprensa ne'ebé fó sai husi Gabinete MNEK, loron tersa (13/09) katak, iha loron 15 to’o 17 setembru, Ministra Adaljiza Magno no delegasaun sei halo vizita uluk ba sidade Washington-DC iha Kapitál EUA.

Iha vizita né'e Xefe diplomasia timoroan ne'e sei marka mós enkontru ho entidade importante-sira hanesan Vise-Sekretaria Estadu EUA, reprezentante ekipa Millennium Challenge Corporation, Espesialista Negosiadór ba Asuntus Realokasaun no sei hasoru malu mós ho ekipa Administradór-USAID.

Hafoin ida-ne'e sei ba fali sidade Nova Iorke, loron 18 to’o 25 setembru 2022, hodi partisipa iha sesaun abertura ba Debate Jerál Asembleia Jeral Nasoens Unida ba dala-77, depois sei partisipa mos enkontru altu nivel liga ho asuntu Direitu Úmanus nian.

Nune'e mós sei kontinua halo enkontru bilaterál ho Vise-Primeiru Ministru Slovenia nomós entidade altu nível sira, alende konvoka mós enkontru ba asuntu Mulitilaterál no Bilaterál sira seluk durante estadia iha sidade Nova Iorke.

Ba MNEK nia vizita traballu iha EUA ne'e, sei akompaña direta husi Ekipa Diresaun Jerál ba Asuntu Multilaterál no Rejionál-MNEK nian nune'e mós sei kontinua halo vizita traballu ba Repúblika Japaun. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter