SEKOOP, Elizário Ferreira ne'ebé mós membru asembleia konstituinte partilla katak hahú Konstitusaun RDTL ne'e nakonu ho dezafiu no obstakulu.

“Dezafiu ne'ebé ami hasoru mak ne'e, malae sira projeta ita atu Konstitusaun ne'e bele to'o tinan 20 ka 30, ne'e malae sira-nia projesaun hakarak halo sai hanesan projetu ida ba sira liliu ba UN (United Nation) sira oinsá atu mobiliza osan atubele kria servisu ba sira”, dehan nia iha Salaun Parokial Gleno, sesta (19/08).

Iha ne’e komesa hanoin katak, FRETILIN labele liu manán Deputadu 60 tanba ne'e mak FRETILIN manán ho Deputadu 55 no sira halo negosiasaun ho partidu ki'ik sira atu ida-idak lori Konstitusaun para labele iha Konstitusaun ida de'it.

Tanba ne’e hahú diskute Konstitusaun ne'e atu validu ba sidadaun hotu ne'ebé mak territóriu Timor laran tomak, maibé labele validu de'it ba ema seluk.

“Konstitusaun la'ós válidu ba ema ida, agora iha vale ba ema ida la vale ba insitituisaun ida mak vale ba insitituisaun hothotu ba nasaun tomak, tanba ne'e Konstitusaun adaptadu modernu no demokrátiku”, afirma nia.

Nune'e Deputadu Efetivu V Legislatura, Deputadu Domingas Lemos ne'ebé mós sai oradór hatete, dadaun ne'e iha ema lubuk ida mak interpreta K-RDTL maibé tenke hetan aprovasaun husi Deputadu maioria ho votasaun 44.

“Iha loron loron iha nesesidade atu aumenta Konstitusaun Repúblika tanba artigu lubuk ida hamosu disputa ba interpretasaun maibé kestaun ne'e tenke hetan aprovasaun husi maioria ka baluk rua (dois tercos) ne'ebé hala'o kna’ar iha Parlamentu Nasionál ho votu 44”, dehan nia.

Mezmu agora dadaun ema barak mak halo interpretasaun ba K-RDTL ne'e siknifika atu hariku idea sira hodi halo dezenvolve di'ak liután Konstitusaun ne'e rasik.

Nune'e Deputada Etelvina Soares Carvalho hatete, dadus ne'e tempu ba joventude sira hodi prepara sira-nia an atubele troka lideransa sira ne'ebé hahú no hatutan ona Kontinuasaun Repúblika ne'e rasik. (*)