“Ida-ne'e mak ita urgullu tebes e apresia tebes ba sira-nia membru assembleia Konstituante iha tempu difísil nia laran maibé sira konsege hakerek duni ita Konstitusaun hodi sidadaun hothotu bele komesa husi Prezidente Repúblika ba to'o iha sidadaun bele moris iha lei inan ida nia okos”, dehan nia iha Salaun Parokial Gleno, sesta (19/08).

Tanba komemorasaun tinan 20 K-RDTL ho objetivu atu konvida membru assembleia Konstituente sira oinsá mak bele partilla dezafiu no progressu sira ne'ebé mak durante ne'e sira enfrenta iha primeira lejislatura.

“Objetivu mini semináriu ba ohin loron ninian ne’ebé mak realiza iha Munisípiu Ermera ida-ne’e, serimónia ne'e hodi selebra 20 anus ba ita-nia Konstitusaun da RDTL nomós 20 ba ita-nia membru Asembleia Konstituente sira ne'ebé iha altura ne'ebá hakerek ita-nia Konstitusaun Nasionál hanesan lei inan”, dehan nia.

Tanba ne'e mak nia husu ba Deputadu V lejislatura inklui mós Deputadu tuir mak karik husu atu hadi’a lakunas balun ne'ebé mak mosu iha artigu balun nia laran, hodi hadia povu nia sosiedade nia moris iha futuru mai.

“Iha buat barak mak sira hakerek ona haklean ona maibé ita sira ne'ebé mak nu'udar jerasaun Kontinuasaun kontinuadór sira liliu ba ulun na'in sira Deputadu sira iha V lejislatura e nomós lejislatura tuir mai karik halo ita bele hadi’a lakunas balun ne'ebé mak iha K-RDTL ne'ebé mak la fó vantajen ba ita-nia rai. Ida-ne'e ita bele elimina tiha maibé tau filafali redasaun balun ne'ebé mak kontinua ba ita-nia nasaun e fó vantajen ba ita-nia sosiedade tomak”, deklara nia. (*)