Login to your account

Username *
Password *
Remember Me

Xanana ho Dom Vergílio Diskute Desizaun Papa Francisco Vizita Timor-Leste

Enviadu Espesiál Extraordináriu Prezidente Repúblika, Kay Rala Xanana Gusmão konversa ho Kardeál no Arsebispu Arkedioseze Metropolitana Dili, Don Virgílio do Carmo da Silva iha Rezidensia Paulo VI Basilica São Pedro Vaticano, loron 28 Agostu 2022. Enviadu Espesiál Extraordináriu Prezidente Repúblika, Kay Rala Xanana Gusmão konversa ho Kardeál no Arsebispu Arkedioseze Metropolitana Dili, Don Virgílio do Carmo da Silva iha Rezidensia Paulo VI Basilica São Pedro Vaticano, loron 28 Agostu 2022. Foto Suplay

Tempotimor (Dili)-Enviadu Espesiál Extraordináriu husi Prezidente Repúblika J.R.H, Kay Rala Xanana Gusmão no ekipa delegasaun iha loron domingu (28/08) hasoru malu ho Kardeál foun Dom Virgílio do Carmo da Silva hodi diskute desizaun Papa Francisco nian ne’ebé sei delega Vise Primeiru Ministru (PM) Vatikanu atu vizita Timor-Leste iha loron 19 fulan-setembru 2022.

Tuir komunikadu Imprensa ne'ebé www.tempotimor.com asesu husi Gabinete Prezidente Repúblika, loron segunda (29/08) katak delegasaun husi Vatikanu ne'ebé papa Francisco deside atu mai vizita Timor-Leste ne'e sei inaugura mós edifísiu permanente Nunsiatura Apostólika Santa Sé iha Motael, Dili, iha loron 21 fulan-setembru 2022 ne’ebé ninia prosesu konstrusaun remata ona.

Durante iha konversa entre Kardeal Foun, Xanana haktuir sira hotu sente kontente no hamnasa bainhira ba hasoru Papa Francisco hodi fó kumprimentu.

“Antes serimónia papa konvida ami hotu ba kuprimente Papa, Papa dehan ba ha’u. “Voce é homem de muito humor”. Nune’e ami hamnasa, no ha’u dehan ba, “Sua-santidade, sei laiha humor, ita la hamansa, vida ne’e sai triste teb-tebes, Papa mós hamnasa lo’os”, dehan Xanana.  

Asuntu seluk ne’ebé Xanana no Kardeál diskute mak hato’o Estadu Timor-Leste ho Igreja ne’ebé organiza hela sarani sira-nia preparasaun atu realiza misa agradesimentu simu Kaerdeál foun bainhira fila ba Dili.

Purtantu Kaerdeál Dom Virgillio do Carmo da Silva mós espresa ninia sentimenteu kontente ba Xanana ho Ekipa Delegasaun Timor-Leste nian tanba konsege partispa serimónia konsistóriu ordináriu públiku husi Papa Francisco iha Igreja Basilica São Pedro laran.

“Ha’u kontente tebes iha serimónia (konsistóriu ordináriu públiku) ne’e, ha’u hateke ba kadeira oin, ha’u haree maun Xanana, fuk mutin tuir kedas iha oin, ha’u kontente tebes bele mai partisipa iha ne’e”, dehan nia ba Xanana.

Maibé hafoin serimónia konsistoriu ordinariu públiku ne'e Papa Francisco rasik fó ona mensajen ba kardeál hotu inklui nia (Dom Vergílio) rasik, atu kontinua tau matan ba sarani no hametin sira nia fé no moris iha tolerénsia iha sosiedade  ida ne'ebé iha dame no unidade.

Hafoin sorumutu ne'e, Xanana ho delegasaun kontinua kedas hakat ba vizita fatin turizmu relegiaun sira iha Basilica São Pedro, Piazza Del Popolo Roma no fatin istóriku seluk tan.

Purtantu enkontru esponstánea iha área Rezidensiál Paulo VI Basilica São Pedro Vaticano, loron 28 Agostu 2022, Xanana no líder igreja ne’e hako’ak malu nuu’dar sentimentu ksolok hodi hodi hasai fotografia hamutuk ho timoroan sira.

Tuir planu iha loron 31 agostu, Enviadu Espesiál Presidente Repúblika Xanana Gusmão sei hasoru malu ho Timoroan sira, hodi hala’o enkontru no serimónia agradesimentu hamutuk ho Kardeál no Embaixada Timor-Leste iha Vatikanu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter