“Ha'u hakruuk ba sira ne'ebé mate inosentimente iha ita rasik timoroan sira-nia liman, hakruuk ba eroi sira”, hatete nia iha Ámbitu Komemorasaun Loron Konsulta Popular ba dala-23 iha Jardim 5 de maiu, tersa (30/08).

Ba Komemerasaun loron 30 agostu ne'e nu’udar loron ne'ebé Timor-Leste hetan referendu hodi deside nasaun soberanu Timor-Leste nia distinu.

Tanba ne'e Xefe Estadu, sente agrarese ba memoria Prezidente Repúblika Indonézia, BJ Habibi tanba momentu ne'ebá nia laiha korajen para simu todan husi Prezidente Soaharto atu avansa ba oin ho referendu, karik Timor-Leste mós sei la hetan referendu.

Purtantu funu ne'ebé akontese, laiha nasaun no poder ida iha mundu atu obriga Indonézia sai husi Timor-Leste. Nune'e ko'alia kona-ba diplomasia la'ós hanesan ema haree de'it ka rona maibé buat barak akontese iha kotuk no lori Indonéza atu simu no ses-an simu rezultadu eleisaun.

“Para ita moris ho trankilidade iha ita-nia fronteira, ema lubuk ida boot iha Indonézia mós fó sira-nia kontribuisaun, ne'e mak garante laiha instabilidade iha ita-nia Fronteira”, dehan nia.

Prezidente Repúblika rasik mós sente admira ba Indonézia iha momentu ne'ebá tanba krize boot iha sira-nia rai laran, forsa armada obedese Prezidente Sivíl BJ Habibi no hatete (A referendu depois sai husi Timor) no forsa armada obedese maibé momentu ne'ebá Prezidente ne'e fraku loos, Tentara Nasional Indonesia (TNI) rasik deside la sai husi Timor.

“E Tanba ha'u hatene, ha'u lobby iha Nova Iorke, halai ba halai mai, halai to'o iha Ocland Nova Zelándia no ha'u hatene e TNI hatete ami la sai e INTERFET iha ne'e akontese”, haktuir nia.

Tanba Prezensa INTERFET mai iha Timor-Leste iha akordu atu sira mai Timor-Leste, hafoin ida-ne’e, Eis Komandante em Xefe das FALINTIL Kay Rala Xanana Gusmão rasik iha loron dahuluk kedas hakilar Rekonsillasaun Timoroan hothotu e Rekonsillasaun ho Indonézia. (*)