Primeiru Ministru (PM), Taur Mattan Ruak hatete, kovite ne’ebé simu husi Vatikanu informa ona ba Prezidente Repúblika deside atu Kay Rala Xanana Gusmão bele atende konvite refere.

“Nomós (konvite) iha Vatikanu ke ha’u informa ba sua eselénsia Prezidente katak sua eselénsia Prezidente mós envia reprezentante ita-nia maun boot Xanana mak ba”, dehan Primeiru Ministru (PM) Taur hafoin audénsia ho Prezidente Repúblika, José Ramos Horta iha palásiu Prezidensiál Bairo Pite, kinta (11/08).

Maske konvite ne'e dadaun Xefe Estadu envia ba Xanana mak atu reprezenta maibé parte Governu mós sei nomeia ninia delegasaun ida atubele ba akompaña ho Xanana ba Vatikanu.

“Husi Governu nian mós iha delegasaun ida mak sei ba”, afirma nia.

Purtantu audénsia entre Xefe Governu ho Xefe Estadu diskute mós atividade prinsipál sira husi Governu inklui diskute situasaun sira iha rai laran maibé ba situasaun seguransa la'o di'ak. (*)