“Tanba ne'e kestaun direitu umanu, ita fó hahán ho nutritivu bele kontribui ba sidadaun sira labele fó fali hahán aat ba ita-nia sidadaun sira, tanba ita ba hakarak hakonu sira ba direitu, hakonu direitu ho di'ak ho hahán ne'ebé di'ak tanba dekretu-lei ne'e alende atu fó hahán ba sidadaun sira presiza hahán sira iha nutrisaun di'ak se ita fó buat dodok ba ita-nia sidadaun sira espera saida mak iha simu husi sidadaun sira”, dehan nia jornalista sirando Jerál PNTL Kaikoli, kinta (11/08).
Tanba PDHJ rejista ai-hnán balun aat hanesan koto buat sira ne'ebé fó fohuk ona, fós mós dalaruma kahur ho fós importadu, nune’e rejista ona.
Kona-ba krime Indisius sira ne'e Komisaun Anti Korrupsaun (KAK) rejista ona, maibé kna’ar PDHJ haree liuba assuntu nia Governasaun katak lei asegura ona ema nia direitu atu kada ema ida simu sasán ida nia folin to'o $50.00.
“Maibé sasán balun ne'ebé mak fahe ema benefisiáriu sira simu la to'o $50.00, ida-ne'e mós ita rejsitu hotu, tanba ne'e mak PDHJ komunika ho KAK tanba sira mak iha kompeténsia atu intervensaun hapara kompaña distribuidór sira”, afirma nia.
Maibé kona-ba hahán sira ne'ebé mak aat ka fohuk ne'e Instituisaun Públiku liliu Autoridade Inspesaun Fiskalizassun ba atividade Ekonómiku Sanitaria no Alimentasaun (AIFAESA) mak toma konta ba assuntu ne'e.
“Dala ruma AIFAESA mós ladún toma atensaun ba ida-ne'e, ladún verifika didi’ak ba sasán sira ne'e, tuir loloos sasán sira ne'ebé distribui ne'e sasán ne'ebé di'ak”, informa nia.
Alende ne'e mós haree ba dekretu-lei númeru 10/2022 katak, Ministériu Turizmu no Komérsiu Industria (MTKI) no Sekretáriu Estadu Kooperativa (SEKOOP) sira iha ekipa Sekretariadu ida tenke halo verifikasaun ba dadus liliu ba lista benefisiáriu Sesta Bázika atu evita lista dobradu sira.
“Liliu lista dobru, tanba uluk ne'e hothotu simu, universál, mais agora ne'e la’e iha limitasaun, ba benefisiáriu sira, iha sidadaun ne'ebé labele simu, agora se la’e ema ida simu iha fatin rua ka tolu tanba laiha lista definitivu ruma”, hatete nia.
Bainhira kada Sekretariadu prepara ona lista sei fasilita kompaña distribuidór sira atu fahe hahán lokál ba komunidade benefisiáriu Sesta Bázika sira. (*)
