Login to your account

Username *
Password *
Remember Me

F-FDTL Selebra Akordu Kooperasaun ho PDHJ

Xefe Estadu Maior F-FDTL, Tenente Jenerál Falur Rate Laek ho Provedora Direitu Humanu, Jesuína Maria Gomes hafoin selebra akordu, kinta (24/11). Xefe Estadu Maior F-FDTL, Tenente Jenerál Falur Rate Laek ho Provedora Direitu Humanu, Jesuína Maria Gomes hafoin selebra akordu, kinta (24/11). Foto Suplay

Tempotimor (Dili)-Falintil, Forsa Defeza Timor-Leste (F-FDTL) ho Provedoria Direitus Humanus e Justisa (PDHK) selebra akordu Memorandu of Understanding (MoU) ne’ebe sai hanesan instrumentu no baze legal hodi orienta atividades kooperasaun entre instituisaun.

Xefe Estadu Maior F-FDTL, Tenente Jenerál Falur Rate Laek, agradese ho selebrasaun akordu MoU ne'ebe asina ona no hein katak iha implementasaun pozitivu ba dezenvolvimentu instituisaun.

"Agradese ba Provedora Direitu Humanu no Justisa, Jesuína Maria Gomes, MPA ho nia delegasaun, ha'u hein katak, akordu ne’e sai hanesan implementasaun ba dezenvolvimentu instituisionais iha ita nia rain Timor-Leste", haktuir nia iha komunikadu ne’ebé www.tempotimor.com asesu iha pajina ofisial Relasaun Informasaun Públika F-FDTL, kinta (24/11).

Tanba, istória kona-bá direitu humanu, sai hanesan kilat kombatente nian no misaun supremu ne’ebé forma forsa ho misaun ba iha rai liur, misaun paz nian, hanesan apoiu humanitária nomós apoiu ba paz nian.

"Aktu ne’ebé ita halo ne'e importante tebes, hein katak ita sei implementa iha tinan-tinan", nia espera.

Nune’e, Provedora Direitu Umanu no Justisa, Jesuína Maria Gomes konsidera akordu ne'e sai hanesan onra boot ba PDHJ, tanba sei foka liubá área promosaun ba boa governasaun iha Timor-Leste no espesífikamente iha instituisaun F-FDTL.

"Ohin ita hamutuk iha fatin ida ne’e, hodi asina akordu kooperasaun servisu entre PDHJ ho F-FDTL, onra boot ida mai ha’u hodi reprezenta PDHJ hodi asina akordu ida ne’e, hamutuk ho Tenente Jenerál Falur Rate Laek, ne’ebé foka liu ba iha área promosaun no protesaun Direitus Humanus nomós ba Governasaun di’ak iha Timor-Leste espesifikamente iha Instituisaun F-FDTL", nia hatete.

Tanba tuir akordu, dahuluk atu haforsa kooperasaun instituisionál no esforsu koletivu hodi proteje direitu umanu no promove boa Governasaun.

Aleinde ne’e, sei hasa’e mós kapasidade instituisaun no pesoál liu husi atividade sira hanesan treinamentu worshop no semináriu inklui atividade seluk ne’ebé instituisaun rua sei identifika hodi proteje promove direitu umanu no ikus liu atu fortalese kooperasaun entre FALINTIL-FDTL ho PDHJ liliu liga ho prosesu investigasaun. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« December 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31  

Tempo Timor Networks

Online Counter