Eis Primeiru Ministru Shinzo Abenia ne’ebé mate iha loron 8 fulan-jullu 2022, hafoin hetan tiru bainhira halo diskursu iha kampaña ida, iha Nara, sidade ida husi oeste Japaun nian.
“Kona-ba serimónia funebre Eis Primeiru Ministru Japaun nian, ne'e ita-nia país iha konvite ida, ke ami sei haree para ita-bele partisipa”, dehan Taur hafoin audénsia ho Prezidente Repúblika, José Ramos Horta iha Palásiu Prezidensiál Bairo Pite, kinta (11/08).
Matebian Shinzo Abe ho idade 67, nia nu’udar Primeiru Ministru ne’ebé okupa kargu kleur liu iha Japaun, dahuluk husi tinan 2006 to’o tinan 2007 no hafoin husi tinan 2012 to’o tinan 2020, momentu nia dada-an husi kargu tanba problema saúde.
Primeiru-Ministru, Taur Matan Ruak, iha loron 15 fulan-marsu tinan 2016, iha altura nu’udar Prezidente Repúblika, iha ninia vizita ofisiál ba Japaun, simu husi Primeiru-Ministru Shinzo Abe, ne’ebé iha oportunidade hodi apresia ninia empeñamentu pesoál iha aprofundamentu ba lasu kooperasaun nian ho Timor-Leste. (*)
