“Hanesan komunidade hanesan benefisiu agradese ba Oitavo Governu ninia programa liuhuss SEKOOP, bele apoiu no fasilita mós komunidade sira iha momentu distribuisaun Sesta Bázika nian, tanba Governu nia planu ida-ne'e di'ak tebetebes tan hodi fó apoiu liliu ai-hán Produtu Lokál ne'ebé ita Timor nian rasik, ne'ebé Governu sosa husi komunidade no fahe filafali ba Komunidade”, dehan komunidade Joaquim dos Santos, iha fatin distribuisaun Sesta Bázika iha Suku Malere, Postu Aileu Vila, kuarta (10/08).

Ba hahán sira ne'ebé mak Ministériu fahe ne'e sei koreponde ba komunidade sira-nia preokupasaun iha tempu tuir mai.

“Ami hanesan benefisiu ne'ebé ohin simu diretamente husi ita-nia Ministériu ami sente katak ida-ne'e koreponde duni ba komunidade ou ba benefisiáriu sira ne'ebé durante ne'e hasoru dezafiu”, hatutan nia.

Diretora Kompaña Ervel Lda, Amelia de Jesus Perreira hatete, item sira ne'ebé mak distribui ba komunidade ne'e garante duni atu komunidade sira uza maibé la'ós atu soe.
“Garantia, garantia duni ba ita-nia komunidade sira, karik iha reklamasaun ruma ita buka para rezolve, ezemplu sasán ladún di'ak ne'e kompaña bele rezolve kedas, se komunidade barak liu la tuir dadus ne'ebé ami simu ami sei entrega filafali ba SEKOOP señora sira mai ne'e, atu halo audisionál ka oinsá?”, afirma nia.

Tanba sasán ne'ebé mak distribui ba komunidade tuir pakote ne'ebé SEKOOP fó para kompaña, no kompaña prepara tuir duni pakote sira ne'e hodi fó benefisiu ba komunidade sira simu ho kontente hodi labele soe.

Pakote hahán ne'ebé mak Sekretária Estadu Kooperativa fó ba kompaña Ervel Lda hamutuk sanulu-resin-lima (15) hothotu mai husi hahan lokál maibé iha item haat mak mai husi esportasaun hanesan deterjen, sabaun, mina, masin midar, maibé restu ne'e mai husi lokál, hanesan, fos, batar fila, fore rai, forekeli, kafé uut, na'an karau, ikan maran, no seluk tan. (*)