Apelu ne’e PJR fó sai tanba nia parte ron akatak, iha ema balun apoia kazu ne’e husi kotuk no nia dehan, diak liu maka tuur hakamtek, bainhira lakohi hakmatek, tempu ida prosesu sei la'o hotu.
"Kazu kona-ba Elite Computer no Telemor nian, daudaun ne'e iha hotu ona prizaun preventiva ne'ebé ita haree no análiza hela, depois ida seluk kona-ba responsavél Autoriedade Nasionál no Comunicação (ANC) ho inisiál JOF, Ministériu Públiku (MP) halo hela rekursu," PJR José hateten lia hirak ne’e iha Palásiu Prezidensiál Bairru-pite, Segunda (14/12).
Nia mós dehan, prosesu ne'e MP tuur kleur ona, ne'ebé husu ba suporter sira husi kotuk ne'e halo favór tuur hakmatek.
Entretantu kazu Elite Computer ne'e akontese bainhira Polísia Nasionál Timor-Leste (PNTL) Servisu Investigasaun Kriminál (SIK) halo kapturasaun ba Diretór Elite Computer no CEO Telemor nian, depois iha loron (26/11) tribunál hatún tan mandadu kapturasaun ba prezidente ANC ho inisiál JOF no halo buska ba dokumentu hotu iha nia rezidénsia.
Tuir informasaun ne'ebé lekar ona iha públiku katak, Elite Computer no Telemor apoiu internet ilegál ba liña ministeriál sira inklui instituisaun Polísia Nasionál Timor-Leste (PNTL) iha 2012 to'o 2020 mak foin detekta.(*)
