TR 'Nega' Seidauk Simu Rekursu ba JOF Husi MP

Suspeitu ne'ebe deskonfia iha ligasaun mos ho problema internet Ilegal Suspeitu ne'ebe deskonfia iha ligasaun mos ho problema internet Ilegal foto tempo Timor

Tempotimor (Dili)-Relasiona ho kazu Elit Computer no Telemor ne'ebé kait ba Prezidente Autoriedade Nasionál no Komunikasaun (ANC) ho inisiál JOF ne'ebé hetan ona Termu Identidade Rezidénsia (TIR) jerál maka Ministériu Públiku (MP) halo ona rekursu ba Tribunál Rekursu (TR).

Tuir Prezidente Tribunál Rekursu (PTR) Deolindo dos Santos katak, MP halo ona rekursu, maibé to'o agora TR seidauk simu.

"Se rekursu tama ba karik ami sei haree, se fose pendente hela, ne'ebé impprtante mak ne'e, se MP haree katak iha buat balun laloos iha priemeira istánsia, rekore no hakerek iha autos nia laran," dehan PTR Deolindo iha Palásiu Prezidensiál bairru-pite, Tersa (15/12).

Ulun bo'ot Tribunal Timor Leste ne'ebe dala balun publiku kestiona kona ba tarde hola desizaun ba kazu balun inklui kazu fornesimentu kama ba ospital ne'ebe involve ema bo'ot balun ne'e, so'e piadas ba publiku hodi dehan, "labele ko'alia iha liur, tanba tribunál só julga de'it ba aktu ne'ebé konsta iha prosesu nia laran, tribunál sei la rona buat ne'ebé mai husi liur." 

Prezidente ne'e mós dehan, to'o agora prosesu rekursu ba prezidente ANC nian seidauk tama, karik tama ona, maibé ha'u seidauk simu.

Iha parte seluk Prokuradór Jerál da Repúblika (PJR) José da Costa Ximenes katak, rekursu ba JOF MP halo ona.

"Kona-ba responsavél Autoriedade Nasionál no Komunikasaun (ANK) ho inisiál JOF Ministériu Públiku (MP) halo hela rekursu para haree," dehan PJR José horseik.

Nia mós dehan, prosesu ne'e MP tuir kleur ona, ne'ebé husu ba suporter sira husi kotuk ne'e halo favór tuur hakmatek.

Entretantu kazu Elit Computer ne'e akontese bainhira Polísia Nasionál Timor-Leste (PNTL) parte Servisu Investigasaun Kriminál (SIK) halo kapturasaun ba Diretór Elit Computer no CEO Telemor nian depois iha loron (26/11) tribunal hatún tan mandadu kapturasaun ba prezidente ANC ho inisiál JOF no halo buska ba dokumentu hotu iha nia rezidénsia.

Alende ne'e tuir informasaun ne'ebé lekar ona iha públiku nia matan katak, Elit Computer no Telemor apoiu internet ilegál ba liña ministeriál sira inklui instituisaun Polísia Nasionál Timor-Leste (PNTL) iha 2012 to'o 2020 mak foin detekta.(*)

Rate this item
(0 votes)
Last modified on Tuesday, 15 December 2020 13:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Right256

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« April 2021 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter