Prezidente Tribunál Rekursu (PTR) Deolindo dos Santos hateten, PR Lú Olo hato'o preokupasaun ne'e, bainhira PTR hala'o sorumutu ho xefe estadu iha Palásiu Prezidensiál bairru-pit, ohin.

"Preokupasaun ne'ebé PR sempre hato'o ba Tribunál Rekursu mak servisu di'ak liután, tanba Xefe estadu apresia ho servisu pozitivu tribunál nian," PTR Deolindo hateten lia hirak ne’e iha Palásiu Prezidensiál Bairru-pite, Tersa (15/12).

Nia mós dehan, xefe estadu husu ba tribunál atu mantein tribunál móvel bainhira seidauk iha tribunál ba munisípiu sira.

"Nia husu atu tribunál kontinua funsiona iha tribunál móvel nian, enkuantu ita seidauk iha tribunál ne'ebé seidauk fixu iha fatin ne'ebé ita define ona hanesan Ermera, Bobonaro, Manufahi, Vikeke, entaun tribunál movél funsiona nafatin para aproxima justisa povu," nia dehan.

Hatán ba ejizensia PR nian, maka PTR Deolindo hateten, daudaun ne'e tribunál movel kontinua funsiona.

"Iha tinan oin ami iha mós aproximasaun balun ne'ebé mak sei halo, tanba iha sinal balu katak ami sei hetan apoiu balun tan husi governu inklui mós husi liur ba tribunál movél nian," Deolindo dehan.(*)