Login to your account

Username *
Password *
Remember Me

MP Rejista Keixa 513 iha Fulan Novembru

Tempotimor (Dili)- Durante fulan Novembru Ministériu Públiku (MP) rejista prosesu foun 513 no konsege finaliza prosesun 500 resin.

Prokuradór Jerál da Repúblika (PJR) José da Costa Ximenes hateten katak, prosesu foun ne'ebé durante ne'e iha nivél nasionál konsege rejista prosesu 3.002.

"Entermu prosesuál iha fulan Novembru Ministériu Públiku (MP) rejista prosesu 513 iha nivél nasionál. Fulan Outubru no Novembru ne'e ita rejista mais de 1.000 prosesu. Entaun, husi 513 prosesu ne'ebé tama, ita konsege rezolve prosesu 589," PJR José hateten ba jornalista sira iha Palásiu Prezidensiál Bairru-pite, Segunda (14/12).

Nia mós afirma, daudaun ne'e prosesu ne'ebé rejistu iha nivél nasionál 3.002, entaun bele dehan MP laiha prosesu barak, tanba prosesu ne'e movimentu nafatin.

"Iha GSKKKO konsege tama prosesu 12, maibé ita finaliza ona 22 ne'ebé ita la inklui julgamentu sira ne'ebé ita halo," nia hateten.

Entretantu prosesu 513 ne'ebé iha fulan Novembru MP rejista ne'e barak liu mak ofensas ba integridade no violénsia doméstika.

Molok ne'e MP halo balansu ida katak, husi 1 Janeiru to'o 31 Outubru 2020 MP rejista krime liu rihun lima.

"Halo balansu jerál ida ba atividade prosesuál MP nian hahú 1 Janeiru to'o 31 Outubru ne'ebé prosesu tama ona iha MP kuaze rihun lima resin, maibé iha fulan Outubru de'it iha nasionál MP rejista prosesu 612," PJR hateten tan.

José mós afirma, prosesu ne'ebé rejista agora konsidera liu ona kapasidade MP nian.

"Ha'u bele dehan, ultrapasa kapasidade ita-nia hodi resposta, entaun ita konsege resposta de'it 577, ne'ebé ita termina ona, ne'ebé kompostu husi akuzasaun 320 resin no arkivamentu 257 resin, ne'e ba fula Outubru de'it, entaun husi Janeiru to'o Outubru ita konsege remata prosesu 6.000, " nia salienta.

Nia mós dehan, estabilidade iha nasionalmente la'o normál fali, nune'e kazu besik 3.000 mak sei pendente.

"Kazu ne'ebé pendente ne'e signifika la movimenta, maibé ita-nia ne'e kazu movimenta maibé la signifika ita halo dala ida, entaun ida neebeita finaliza no ida ne'ebé tama foun mai ne'e nafatin tama. Entaun kazu sira ne'ebé durante ne'e rejista, barak liu mak ofensas ba integridade, segundu mak violénsia doméstika, omesidu, arma branka, naok no krime seluk tan, maibé iha Dili kazu barak liu mak iha postu administrativu Dom Aleixo," José subliña.(*)

Rate this item
(0 votes)
Last modified on Monday, 14 December 2020 16:28
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter