Prokuradór Jerál Repúblika (PJR), José da Costa Ximenes, bainhira MP notifika ona pesoál ne'ebé sai vítima no pesoál sira ne'ebé sai hanesan arguidu ba keixa ne'e nune’e perante sira-nia deklarasaun.
“Iha tempu badak Ministériu Públiku sei notifika para rona vítima depois sei rona mós sira-ne'ebé sai hanesan arguidu ba prosesu ida-ne'e, ne'ebé provavelmente iha meiu fulan ida-ne'e ita boot sira sei rona informasaun balun,” Prokuradór Jerál Repúblika José da Costa Ximenes, ko’alia iha Palásiu Prezidensiál, Bairru-Pité, hafoin hasoru malu ho Prezidente Repúblika (PR) Francisco Guterres Lú Olo, Tersa (5/1).
Entretantu, keixa ne'ebé Sekjer Fretilin Marí Alkatiri aprezenta ba Ministériu Públiku kontra CPN ¬CNRT nian, Deputadu 21 iha Parlamentu Nasionál (PN) ne'e ligasaun ho soberania Timor-Leste hanesan petrolíferu ne'ebé CPN-CNRT ho deputadu sira kestiona katak Alkatiri hetan subornu.
Antes ne'e, iha loron 7 Jullu 2020, Sekretariu Jeral FRETILIN Mari Alkatiri, keixa ba Ministériu Públiku (MP) hasoru membru CPN-CNRT ne'ebé akuza simu subornu husi kompañia internasionál ConocoPhillips.
Hafoin ida ne'e, iha loron (6/11/2020) Alkatiri keixa tan deputadu bankada Kongresu Nasionál Rekonstrusaun Timor (CNRT) na'in-21 ba MP tanba halo deklarasaun laloos iha salaun bankada CNRT nian iha PN.(*)