Tempotimor (Dili)-Prezidente Repúblika (PR), Francisco Guterres 'Lú Olo', iha selebrasaun loron Mundiál Konservasaun Floresta Ai-Parapa, segunda (26/07), husu ba Governu liuhusi Ministériu Agrikultura no Peskas (MAP) atu prepara estratéjia ba jestaun floresta ai-parapa, atu iha matadalan rasik ba jestaun no uzu.

“Husu espesialmente ba Ministériu Agrikultura no Peskas atu prepara Estratéjia Nasionál ba Jestaun Floresta Ai-Parapa hodi iha matadalan rasik ida ba jestaun no uzu sustentável ba rekursu naturál importante ida ne’e, ho partisipasaun komunidade sira-nian, liliu husi sira ne’ebé depende ba rekursu tasi nian hodi sustenta família”, dehan PR Lú Olo liuhusi mensajen ne’ebé lee husi asesór Reinaldo Junior Freitas Baptista Belo, iha Palásiu Prezidensiál Bairopite, segunda (26/07).

Haree ba funsaun ai-parapa nian, iha loron importante ne’e, Prezidente Repúblika apela ba sidadaun hothotu atu kuda ai-parapa no ai sira seluk iha ámbitu kampaña nasionál hanaran “sidadaun ida, ai-oan ida”, ne’ebé lansa iha fulan-janeiru tinan 2019.

Tanba ai-parapa mós iha ninia funsaun mak tais no hamoos ambiente ba animal no ema, fatin reprodusaun, viveiru ba espésie oioin, fatin ba balada fuik sira no satan laloran.

Nune'e, Prezidente Repúbilka apresia inisiativa organizasaun Konservasaun Flora no Fauna (KFF) ne’ebé nia membru sira dedikadu no determinadu hodi promove no proteje ai-parapa ne’ebé sai buras ba beibeik ho fasilidade oioin.

“Aproveita okaziaun ohin atu husu ba Governu tomak, liliu ba Ministériu Agrikultura no Peskas nomós ba Sekretaria Estadu Ambiente no entidade sira seluk, atu haree oinsá tulun KFF, organizasaun ne’ebé iha joven badinas no determinadu, ho moto proteje Natureza, atu garante ita hotu nia bein-estar no dezenvolvimenu sustentável ba Timor-Leste”, dehan Lú Olo.

Área ba ai-parapa iha Timor-Leste menus ba beibeik, tanba ne’e iha de’it ektar 1,300, área ida kiik liu ba liña kosteira naruk ho kilometru 735. Nune’e Governu presiza tulun organizasaun Konservasaun Flora no Fauna (KFF) ba protesaun ai-parapa, garante bein-estar ema hotu nian no ba dezenvolvimentu sustentavel.

Amaibé agradese ba UNDP tanba fó apoiu finanseiru ba KFF atubele realiza nia mehi ba promove no proteje ai-parapa.

Iha tinan-2019, Prezidente Repúblika rekoñese no valoriza organizasaun Konservasaun Flora no Fauna ho Prémiu Direitus Umanus Sergio Viera de Mello ba kategória Direitu Ekonómikus no Sosiál. (*)

Tempotimor (Dili)-Vise Xefe Estadu Maior Jenerál Falintil-Forsa Defeza Timor-Leste (F-FDTL), Major Jenerál Falur Rate Laek, hatete, sira iha planu atu loke postu seguransa iha fronteira hodi bele asegura atividade iha fronteira.

Tempotimor (Dili)-Reprezentante Santa Sé iha Timor-Leste, Marco Sprizzi, husu ba sidadaun Timor-Leste (TL) atu simu vasina nune'e bele proteze-an husi moras Covid-19.

Tempotimor (Dili)-Ministru Defeza (MD), Filomeno da Paixão de Jesus hatete,  Austrália sei konstrui Portu rua ba komponente Naval Falintil-Forsa Defeza Timor-Leste (F-FDTL) atu atraka ró.

Tempotimor (Dili)-Prezidente Parlamentu Nasionál, Aniceto Guterres deklara, Parlamentu Nasionál (PN) planu ona sei kria lei sibernetika hodi regula espresaun sidadaun sira iha mídia sosiál atu sai sivilizadu.

“Deputadu sira iha hanoin tanba hanesan reprezentante povu hanoin atu hola inisiativa para kria lei sibernetika”, dehan nia hafoin sorumutu Prezidente Repúblika, Francisco Guterres ‘Lú Olo’ iha Palásiu Prezidensiál Bairopite, tersa (08/06).

Bainhira ko'alia kona-ba liberdade mundu ne'e, laiha liberdade ne'ebé, liberdade trata ema, tanba liberdade hanesan ne'e bele destroi moral sivilizasaun sosiedade nian.

Tanba ne’e mak akontese iha Timor-Leste ema uza mídia sosiál atu hotar ema seluk, maibé timoroan nia sibilizasaun la'ós hanesan ne'e.

“Ida ne'e sai hanesan kestau ida, tanba ne'e reprezentante povu iha parlamentu nasionál iha hanoin atu rezolve problema sira ne'e atu asegura nafatin morál, oinsá sosiedade Timor sai sivilizadu”, afirma nia.

Iha sosiedade ida hakarak espresa nia opiniaun iha mídia sosiál tenke iha sivlizadu, ema la bandu ema ida atu espresa opiniaun, maibé  tenke regula.

“Kona-ba lei sibernetika parlamentu nasionál iha inisiativa, tanba iha kompeténsia atubele hola inisiativa ba lei refere, depois aprova ka la aprova tuir prosesu, maibé hanesan orgaun soberanu iha inisiativa kria lei sibernetika”, haktenik nia.

Entretantu, lei sibernetika hanesan deputadu sira-nia opiniaun no inisiativa de'it no seidauk transforma. (*)

Tempotimor (Dili)-Reprezentante UNICEF, Bilal Aurang Zeb Durrani deklara, United Nations International Children's Emergency Fund (UNICEF) kontinua fó apoiu governu Timor-Leste kona-ba asuntu Covid-19 ho kalamidade inudansaun ne'ebé akontese iha loron 4 fulan Abríl liu bá.

Tempotimor (Dili)-Xefe Estadu Maior Tenente Jeneral, Falintil-Forsa Defeza Timor-Leste (F-FDTL), Lere Anan Timur deklara, prosesu rekrutamentu ba membru F-FDTL laiha diskriminasaun ba sidadaun hotu inklui veteranus nia oan iha rai laran.

Tanba haree ba veteranus la’ó oituan, maibé veteranu dalaruma oan barak, no sira ne'ebé jerasaun patriota no sira ne'ebé hatama formuláriu ne'e la'ós na'in-10 ka 20 de'it maibé kuaze rihun 3 ou 4.

“Ami atu konsidera se mak ami-nia oan no ne'ebé mak la'ós ami-nia oan, ami konsidera hanesan de'it tanba sira-nia inan-aman no família uluk fó kontribuisaun ba funu ne'e", dehan Lere hafoin reuniaun ho Prezidente Repúblika, Francisco Guterres ‘Lú Olo’ iha palásiu prezidensiál, Bairropite, kurta (02/06).

Bainhira kandidatura sira tuir teste hamutuk rihun 3 ka 4, maibé sira balun mak passa, la'ós pasa hotu no balun dalaruma mós moras.

"Ha'u hanoin katak ita lábele hein de'it atu sai militar, mas ami opta ba jeresaun patriota ne'e tanba haree ba futuru estabilidade nasional, ami laIha diskriminasaun", haktuir nia.

Entretantu, ema ne'ebé liu iha seleksaun dokumentu hodi kontinu ba etapa teste nia hamutuk ema na’in-4200. (*)

Tempotimor (Dili)-Xefe Estadu Maior Tenente Jeneral, Falintil-Forsa Defeza Timor-Leste (F-FDTL), Lere Anan Timur hatete, kandidatura ba F-FDTL tenke onestidade deklara bainhira família sei hela iha nasaun Indonézia.

 "Inan-aman iha rai li'ur ka iha ne'ebé?, naran ema sidadaun Timor, depois mak ita haree mas ita militár tenke senseriu, tenke onestu, ko'alia momos katak ha'u-nia inan aman iha Atambua atu ita koñese tanba atu servi Instituisaun Militar, ema ida tenke iha  nasionalizmu patrotizmu tenke domina nia, tanba ida ne'e serbi nasaun”, dehan Lere hafoin reuniaun ho Prezidente Repúblika, Francisco Guterres ‘Lú Olo’ iha palásiu prezidensiál, Bairopite, kurta (02/06)

 Tanba ezemplu mak ema ne’ebé liman sorin laIha, nia lábele tama iha forza, hanesan mós ho nasionalizmu ho patriotizmu laiha, bele dahan ladun normál Atu tama iha militar.

 Bainhira identifika kandidatu ne’ebé inan-aman iha rai seluk, komisaun rekrutamentu iha hodi halo Servisu ho independente, maibé sira rona orden husi estadu Maior Jeneral.

 "Ha'u lá fo hatene katak kritériu saida, maibé kritériu ida  mak matan at labele, badak ne'e mós la bele, ha'u rasik kestiona uluk iha ai-laran ne'e ema badak mak di'ak liu isin kiik, mas agora ne'e depois mak komisaun mak sei haree", afirma nia.

 Maibé, konstituisaun fó dalan ba sidadaun hotu iha  direitu atu serbi nia nasaun tanba militar instituisaun ida, labele sai oportunidade ba ema ida, tenke responsabilidade ba ema ne'ebé servi.

 "Ha'u iha Ministru duni tinan 5, ne'e halo oinsá riku mak sai, tanba atu filafali ba ukun ne'e dalaruma depende mós, tanba ne'e ha'u hatete katak, F-FDTL la'ós oportunidade ba ema ida atu ba hetan privilejiu ne'ebá, laIha maibé tenke ba servi", hatete nia. (*)

Tempotimor (Dili)-Prezidente Tribunál Rekursu (TR), Deolindo do Santos deside, taka informasaun kona-ba kazu konkreta iha Tribunal ba públiku.

Tempotimor (Dili) - Governu Populár Xina liuhusi ninia embaixada iha Timor-Leste apoiu mákina purifikasaun rua ba Palásiu Prezidensiál hodi halo purifikasaun ba fatin sira ne'ebé jornalista no vizitante sira hala'o soru-mutu ho Prezidente Repúblika (PR).