“Ami agora planu ona atu loke tan postu seguransa iha fronteira, nune'e seguransa sira bele utiliza hodi kuida ita nia fronteira”, dehan Falur hafoin reuniaun ho Prezidente Repúblika, Francisco Guteres ‘Lú Olo’, iha palásiu prezidensiál Bairopite, kuarta (14/07).
Maibé postu iha fronteira seidauk bele fó sai fatin no hira mak sei hari’i tanba ne'e afirmasaun soberania.
“Hanoin atu tau tan postu seguransa iha fronteira, maibé ami labele públika ba imi katak sei loke iha ne'ebé no hira, tanba imi tenke hatene katak buat militár ne'e, asuntu instituisaun ida ne'ebé alta seguransa, ita labele fila ita-nia kabun laran ne'e ba ema hotu hatene, tanba forsa ninia ne'e afirmasaun soberania, labele halo hanesan panfletu para soe lemo lemo”, afirma nia.
Entretantu situasaun jerál dadaun ne’e la'o di'ak hela tanba laiha funu maibé funu boot ne'ebé oras ne'e mundu hasoru mak pandemia Covid-19 no nia Variante foun Delta. (*)
