“Klaru katak ida ne'e mós depende ba evolusaun, tanba ne'e mak enkoraza ba hothotu simu vasina atubele proteze-an, tanba preokupasaun Papa nia presiza proteze-an, nune'e simu papa hodi festeza hamutuk iha vizita papa nian ho kondisaun seguransa”, dehan nia ba Prezidente Repúblika iha palásiu prezidensiál Bairpite, kuarta (30/06).

Tanba enkontru ho Prezidente Repúblika, Francisco Guterres 'Lú Olo', atu transmite mensajen husi Santo Papa Francisco nian, kona-ba loron 2 fulan-juni relasiona ho papa Francisco simu surat husi autoridade máximu Timor-Leste, Bispu no povu nune'e Papa mós komfirma katak, nia iha vontade no hatan nia (papa) sei mai iha Timor-Leste.

“Papa mós akompaña situasaun kada loron no akompaña ho orasaun nune'e proteze nafatin, iha pas no harmonia iha rai doben ida ne'e'”, dehan nia.

Ho vasina AstraZaneca no Sinovac ne’ebé Timor-Leste iha hanesan mós ho vasina Pfizer ne’ebé vatikanu uza, tanba kondisaun rai ai-morok ba vasina Pfizer iha Timor-Leste laiham, maibé iha de’it ba vasina AstraZeneca no Sinovac hanesan mós ho nasaun balun ne’ebé uza.

“Sidadaun hotu tenke simu vasina se médiku sira autoriza, tanba Prezidente, Bispu no líder barak mak simu ona no simu vasina nune'e bele proteze-an husi moras pandemia ne'e”, hatete nia.

Iha fatin hanesan, Xefe Estadu Maior Jenerál FALINTIL-Forsa Defeza Timor-Leste (F-FDTL), Tenente Jenerál Lere Anan Timur hatete, governu hatete vasina la'ós obrigatóriu maibé iha ninia efeitu di’ak ba mundu.

“Ha'u la fiar katak mundu ne'e, na’i-ulun sira iha nasaun ida-idak la'ós hakarak ninia populasaun atu mate maibé hakarak populasaun ninia di'ak”, dehan Lere. (*)