Apoiu ne’ebé fó ba instituisaun F-FDTL atu halo konstrusaun ba portu atrakasaun rua ba ró ne'ebe mak sei to’o iha Timor-Leste tinan 2023.
"Portu Naval Hera mós ohin ko'alia, Prezidente Repúblika fo diretivas kona-ba ita atu hala'o konstrusaun hamutuk ho Austrália tantu Austrália fo apoiu atu halo portu atrakasaun rua ba Ró ne'ebé sei mai iha fin de 2023”, dehan Ministru Filomeno iha Palásiu Prezidénsia Aitarak Laran Bairropite, tersa (21/06).
Prezidente Repúblika fó diretiva ho sentidu ida haree mós preparasaun ida ba aumenta Portu atubele atraka tan ró ida ka rua.
"Ita aumeta ita-nia portu, para bele mais tarde ita bele atraka tan ita-nia Ró ida ka rua para hola, parte ba Ró Austrália nian halo patrollamentu tantu ba norte no kosta súl”, informa nia.
Maske dadaun ne’e seidauk halo hela aranzamentu akordu ho Austrália, tantu iha ona akordu ho Austrália maibé tipu akordu doasaun, ne'e tenke halo fali atu akordu ne'e hotu hafoin komesa konstrusaun fíziku. (*)
