"Ohin loron ha'u hasoru malu ho Prezidente Repúblika, simplesmente atu hakarak introduz ha'u-nia an, hanesan representativa UNICEF foun ninian iha Timor-Leste, hodi ko'alia kona-ba assuntu, oinsá ita bele responde ba covid-19 ninian nomós kalamidade ne'ebé foin liu bá", dehan nia hafoin reuniaun ho Prezidente Repúblika Francisco Guterres "Lú Olo" iha Palásiu Prezidensiál Bairopite, segunda (07/06).
Durante Covid-19 UNICEF apoiu ona vasina 100.800 dozes mai governu Timor-Leste.
"Ita hatene katak, durante tinan ida ne'e nia laran UNICEF, sei fó nia apoiu mais do que 500 Mil doses Vasina", relata nia
UNICEF mós apoiu ba Ministériu Saúde liuhusi sames oinsá atubele prezerva vasina sira nomós fasilita transporte ba fatin sira ne'ebé mak iha do'ok husi Dili.
"Tuir fali mai mak oinsá ita halo kampaña públikasaun sosial no kampaña komunikasaun liuhusi kanal sira husi rádiu, televizaun no husi uma ba uma atu atrai ema atu simu Vasina”, afirma nia.
Iha sorin seluk, UNICEF mós apoiu Timor-Leste iha parte setór edukasaun nian liuhusi kria programa eskola ba uma liuhusi Televizaun RTTL,ep ho GMN.
"Ita iha rograma eskola ba uma ne'e ita produz ona episode husi 83 episode, atu ajuda Ministériu Edukasaun bele fasilita labarik sira estuda iha uma, itá mós públika liuhusi youtube no aplikasaun sira ne'ebé mak la uza internet hodi fasilita labarik sira eskola", haktuir nia.
Meske hanesan ne'e, UNICEF mós hasoru desafiu barak hanesan, konektividade internet nian, iha família balun mak eletrisidade mate lakan, balun laiha Televizaun.
Maibé atu ultrapassa dezafiu ida ne'e UNICEF mós imprime material sira ne'ebé mak iha ona, hodi bele ajuda labarik sira estuda iha uma nomós dezenvolve sai hanesan matadalan ida ne'ebé mak atu ajuda profesór sira hanorin labarik iha uma. (*)