“Aviaun Qantas sei semo permanente husi dala tolu iha semana ida, iha fulan-juñu mai sa'e ba dala lima, ida ne'e importante tebes ba ita tanba konetividade ba rai li'ur ita sei rezolve ita la presiza hein tan aviaun ona, husi ema samper mak ita selu ida ne'e aviaun komersiál e presu sei baratu”, dehan Ministra Adaljiza iha sala VIP Aeroportu Internasionál Prezidente Nicolau Lobato, Komoro-Dili, kuarta (16/02).
Tanba Aviaun Qantas ne’ebé hahú semo ona husi Nasaun Austrália ba nasaun sira seluk ne’ebé iha konetividade inklui mós Timor-Leste ne’ebé durante tinan rua resin paradu.
“Ita hatene ona katak aviaun Qantas semo ona, horisehik (15/02), ha'u hamutuk ho Xefe Ministru nomós Qantas nian, inklui mós Ministra Turizmu Norte Territóriu nian ami lansa Aviaun Qantas ne'ebé semo husi Norte Territóriu-Darwin ba fatin oioin inklui Timor-Leste”, informa nia.
Ba aviaun Qantas ne’ebé hahú semo Mai Timor-Leste importante tebes, tanba konetividade ba rai li'ur ne'e rezolve ona, la presiza hein hanesan uluk.
“Ita sei rezolve ona konetividade ba rai liu, ita la presiza hein tan aviaun hanesan ema semper mak ita selu, ida ne'e aviaun komersiál no presu sei baratu liu, entaun ita espera katak ida mós halo promosaun ba turizmu, ema barak sei mai Timor liuliu husi Austrália”, esplika nia. (*)