"Ha'u la'ós servisu boot, ha'u-nia servisu mak nu'udar ema negosiante, fa’an nu'u hodi sustenta ha'u-nia família no sustenta ha'u-nia oan na’in-rua hodi bele eskola to’o ona universidade”, dehan negosiante Avelino, iha Largo, sábadu (25/09).

Servisu nu'udar fa'an nu'u ne'e kuaze tinan naruk ona, maibé sempre iha rezultadu ne'ebé fó ksolok ba nia família.

"Ha'u kontente ho ha'u-nia servisu ne'e, no ha'u sei la husik, tanba ha'u-nia servisu ne'e nia rezultadu maske naton, maibé ha'u-nia família sira haksolok no ha'u-nia oan sira mós haksolok tebes”, afirma nia.

Tanba ne'e sei kontinua nafatin ho servisu nu'udar negosiante fa’an nu'u hodi labele tane liman ba ema seluk.

Husi atividade fa’an nu’u ne’e kada loron bele hetan, kuaze US$20 to'o US$30. (*)