Login to your account

Username *
Password *
Remember Me

Negosiante Kontente Hetan US$150 Kada Loron iha Feira 28 Novembru 

Reprezentante Grupu fitun Tais, Lucia Ximenes. Reprezentante Grupu fitun Tais, Lucia Ximenes. Foto Tempo Timor

Tempotimor (Baukau)-Negosiante sira sente kontente partisipa iha feira ba selebrasaun loron proklamasaun 28 novenbru ba dala-46, tanba bele hetan US$150 kada loron.

hatete, kompetisaun feira ne'ebé loke hodi selebra loron nasional proklamasaun independensia ba dala-46 hodi benefísiu ba sira tanba loron-1 sira bele hetan $150.

"Ha'u foin primeiravez tuir kompetisaun feira husi Darisula nian, iha loron 28 novembru nian, agradese tebes, tanba bainhira ema mai hola hahán ne'ebé di'ak. Ha'u fa’an iha ne'e loron haat ona, loron ida ha'u bele hetan osan $150", dehan negosiante Joanina da Costa Belo, iha Darisula, Baukau, sesta (26/11).

Reprezentante Grupu fitun Tais, Lucia Ximenes informa, durante feira sente kontente tebes, tanba vizitante barak mak sosa sira-nia produtu.

"Durante feira ne'e ha'u sente kontente tebtebes, tanba ami mós iha produtu oituan, hanesan dader, meudia, lokraik ema vizitante sira mós mai barak sosa korenti, brinkus sira ne'ebé halo husi tais, ne'ebé ha'u sente kontente tebe-tebes", hatete nia.

Tanba loron baibain ne'e ema sosa na'in ho vizitante mós laiha, maibé  fa’an de'it iha sira-nia fatin.

"Kona-ba rendimentu ne'e, korenti tradisionál ne'e to'o lokraik, hanesan ne'e loron ida ami bele hetan US$40 to’o 50, tais ida folin US$10 sira mai sosa entaun ami bele hetan US$50 hanesan ne'e", informa nia.

Esperansa ba futuru Governu kontinua nafatin loke feira hanesan ne'e atu sira mós promove sira-nia produtu sira ne'ebé halo. 

Nune'e negosiante, Sonia Soares mós sente kontente tebes tanba ai-hán lokál ne'ebé nia fa’an bele hetan lukru di'ak.

"Hahú husi loron 18, Iha kalan negosiante ha'u bele hetan osanUS$100 resin kompara ho fa’an baibain hanesan hatama kripik ba loja semana-semana nia folin la hanesan", dehan nia.

Produtu lokál hanesan kulu, aifarina, fehuk ne'ebé  agrikultór sira fa’an iha merkadu, nia sosa filafali nune'e mai promove fali ai-hán lokál.

Entretantu kompetisaun feira ne'e loke durante loron 7, husi 22 to'o 28 fulan-novembru hodi selebra loron nasional proklamasaun Independénsia ba dala-46 ne'ebé realiza iha área Darasula, suku Gariuai, Postu Administrativu Baucau Vila, Munisípiu Baukau. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« January 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter