Login to your account

Username *
Password *
Remember Me

UNTL sei Aplika DO ba Estudante 2000-2014 la Re-Inskrisaun iha 2023

Logo UNTL. Logo UNTL. Foto ofisial.

Tempotimor (Dili)-Universidade Nasional Timor Lorosa’e (UNTL) sei aplika Drop Out (DO) ba estudante tuan husi tinan 2000 to’o 2014, ne’ebé la halo re-inskrisaun iha tinan 2023.

Nune’e, Diretór Nasional Atendimentu Estudante (DNAE), Rui Loco Pires husu atu halo re-inskrisaun, tanba dadaun administrasaun jerál UNTL atende ona readministrasaun ba estudante tuan sira.

"Sim klaru, ida ne'e parte husi reitoria ho estrutura tomak fó sai ona avizu katak, ba sira ne'ebé la mai halo re-inskrisaun ba tinan agora, ba tinan 2024 sei DO "Drop Out" ne'ebé agora dadaun parte ami nia funsionáriu sira atende ona readmisaun ba estudante tuan ne'e hamutuk kala besik atus rua ona (200)", dehan nia ba www.tempotimor.com iha kna’ar fatin, Kampus Sentrál, Sesta (20/01).

Tanba, estudante tuan ne'ebé durante la halo pagamentu sei halo karta readmisaun mak hafoin asesu fali ba semester impar tinan akadémika 2023.

Aplika Drop Out dahuluk ba estudante sira ne'ebé hahú tama iha tinan 2000-2014, maibé husi parte sira ne'e la halo rejistu dala sanulu (10) ba leten sei aplika DO, tanba konsidera estudante husi periodu 2000-2014 la ativu ona iha Universidade Nasionál Timor-Lorosa'e (UNTL).

Tanba ne'e, dadaun UNTL liuhusi Vise-Reitór Assuntu Akadémiku no Garantia Kualidade (VRAAGK) liuhusi nia Diresaun Nasional Atendimentu Estudante (DNAE) hahú ona halo re-inskrisaun ba estudante liuhusi kada Fakuldade.

"Kona-ba re-inskrisaun ba estudante tuan la hanesan baibain iha mundansa oituan iha ne'ebá ami halo mudansa kada fakuldade", hatutan nia

Maibé ba estudante foun bainhira Komisaun Asesu ba Ensinu Superior (KAES) kuandu fo sai ona no entrega ona naran estudante foun anu letivu 2023-2024 ba DNAE, mak sira sei halo rejistu iha universidade iha loron 13-18 fulan-fevereiru tinan 2023.

UNTL púlika sai ona katak, re-inskrisaun ba semester impar tinan akadémika 2023 sei hahú iha loron 09-13 fulan-janeiru ba fakuldade Agrikultura, Filosofia, Direitu no Ezata, loron 16-19 ba fakuldade Siénsia Sosiál, loron 20-25 fulan-janeiru ba fakuldade Enjeñaria Siénsia no Teknolojia, loron 26 fulan-janeiru to'o loron 02 fulan-fevereiru ba fakuldade Edukasaun Arte no Umanidade, husi loron 03-08 fulan-fevereiru ba fakuldade Ekonómia no Jestaun no ikus liu mak ba fakuldade Medisina Siénsia no Saúde. (*)

Rate this item
(5 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter