Negósiante, Joana Maria da Costa, sente kontente, tanba iha eventu ne’e, hetan ema partisipante barak ne’ebé fó rendimentu di'ak ba sira liu husi sosa produtu ne'ebé fa'an.
"Sente mós fó benefísiu ba ami, tanba ami lori loron boot ida ne'e benefísiu ba ami boot tebe-tebes", dehan nia iha aldeia darasula, segunda (22/11).
Negósiante sira fa’an produtu lokál no sasan importadu hanesan Aqua, Popmie, Ainanas no hudi tasak, iha fatin atu realiza eventu refere, loron ida sira bele hetan rendimentu to'o US$40 no US$50.
Nune'e mós negosiate fa’an nuu laloir, Martino Gusmão da Costa sente kontente ho eventu refere, tanba bele fó benefísiu.
"Ha'u foin mak hahú fa'an, gerobak tolu, rua ne'ebé mak ha'u fa'an uluk ona ne'e hetan ona rendimentu US$20", dehan Martino
Enteretantu, estudante husi Ensiñu Baziku Filial (EBF) Aubaka, Nersio Cirilio Gusmão ho idade-13 ne’ebé fa’an sigaru sente mós kontente, tanba iha ema barak atu sosa.
"Kontenti, tanba ema barak halibur ami, ami-nia sigaru folin mesmu antes ne'e faan ona,"dehan nia
Hahú negósiu provizóriumente iha faten refere, loron ida hetan lukru ho totál orsamentu US$10 to'o US$20 husi sigaru slop ida. (*)
