"Dia 4 de Juñu agora, tuir demanda ne'ebé iha ne'e tarjetu hamutuk 100 ida, maibé sei teste saúde médiku entaun balun sei hela, nune'e ema na’in-70 mak sei ba Korea”, hateten Filomeno Soares iha nia kna’ar fatin Bekora Maroco Mate, segunda (24/05)

Tanba, fofoun Covid-19 hahú mobilizasaun ba Korea paradu totál, no foin primeira vez Governu Korea loke ona odamatan atubele simu traballadór regular ka traballadór ne'ebé foin ba dahuluk Korea.

Nune’e, traballadór Timoroan ne'ebé atu aranka ba Korea, Antonino Doutel Pinto, sente kontente no agradese ba Sekretariu Estadu Para Promosaun Profesional e Empregu (SEPFOPE) tanba bele loke oportunidade ba sira.

"Ha’u sente kontente, bainhira ha'u hetan oportunidade ida ne'e, agradese ba estadu Timor-Leste tanba fasilita ami joven sira”, hatete nia iha Bekora, segunda (24/05).

Kontente tebes atu ba, tanba família laiha forsa finanseira atubele fasilita hodi kontinu estudu iha Universitáriu.

Traballadór ne'ebé dadaun kontinua servisu iha Korea Súl hamutuk ema na’in-2.676.(*)