Login to your account

Username *
Password *
Remember Me

Governu Korea Agradese Estadu TL Fó Rekoñesimentu ba Militár Na’in-5

Primeiru Ministru, Taur Matan Ruak, hasoru malu ho familia militar Korea na'in-lima iha Palasiu Governu. Primeiru Ministru, Taur Matan Ruak, hasoru malu ho familia militar Korea na'in-lima iha Palasiu Governu. Foto Suplay

Tempotimor (Dili)-Embaixadór Korea Súl iha Timor-Leste (TL), Kim Jeong Ho, lori Governu Korea nia naran agradese ba Timor-Leste ne’ebé fó rekoñesimentu ba Saudozu Militár Koreanu na’in-lima (5) ne’ebé  lakon sira-nia vida iha mota Noel-Ekat, Oekussi.

Ba sidadaun Korea na’in-lima ne’ebé hetan rekoñesimentu tanba lakon vida iha suku Bobometo, sub-rejiaun Oésilo iha 06 marsu 2003, bainhira hala’o misaun pás Organizasaun Nasaun Unida (ONU) liuhusi Peace Keeping Force (KFP) iha Timor-Leste.

“Ha'u reprezenta Governu Korea hakarak atu hatete, agradese boot ba na’in prezidente da Repúblika, José Ramos Horta, Primeiru Ministru Taur Matan Ruak, liliu ba povu Timor-Leste tomak bele nafatin hanoin soldadu na’in-5 ninia sakrifisiu no ninia dediksaun ba rai ida ne'e, e Estadu Korea hakarak halo amigu di'ak ho Estadu TL, e promete katak ba oin Korea sei nafatin apoiu TL, iha ninia luta ba independénsia ba moris di'ak”, dehan Embaixadór Korea iha Timor-Leste, Kim Jeong Ho, iha Palásiu Governu, bainhira lori família matebian saudozu nain-5 hasoru Primeiru Ministru, Taur Matan Ruak, segunda (08/08).

Hafoin lori matebian saudozu na’in-5 nia família ba hasoru Primeiru Ministru mós haksolok no triste hodi informa ba família matebian sira katak TL mós sira-nia rai hotu hodi bele mai vizita.

“Iha momentu ne'ebá PM hanesan Xefe Estadu maior hanesan militár nia koñese di'ak soldadu sira ne'e tnba ne'e mak ha'u lori nia família mai hodi Komprimenta PM no PM haksolok e mós triste e ohin nia hakuak kada família, no nia informa katak TL ne'e imi-nia rai mós tanba imi-nia maun imi-nia alin imi-nia laen mate ba rai ida-ne'e, nune'e bainhira de'it mak imi mai Timor ami prontu simu imi, e hanoin katak Timor mós hanesan imi-nia rai’, hatuta nia.

Maske iha sarjentu ida mak nia mate isin seidauk hetan maibé sira ko'alia ona ho Prezidente Autóridade Oekussi, Prezidente Repúblika, Primeiru Ministru, no sira hotu mós nafatin esforsu atu buka tuir mate isin ne'ebé seidauk hetan to’o agora.

Entretantu matebian nia família sente orgullu tebes, tanba hanesan família husi militár nasaun ida bele rekoñese no fó lembransa ida ba sira-nia oan, la’en no maun alin, nomós família sira agradese ba Estadu TL mesmu liu ona tinan barak maibé sei iha nafatin hanoin apresiasaun ba sira-nia oan, laen, liuhusi medalla ne'ebé prezidente Repúblika rasik mak oferese ona. (*)

Rate this item
(0 votes)
Last modified on Tuesday, 09 August 2022 07:42
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« September 2022 »
Mon Tue Wed Thu Fri Sat Sun
      1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30    

Tempo Timor Networks

Online Counter