Login to your account

Username *
Password *
Remember Me

Governu ‘Aviza’ Joven Labele ba Servisu iha Rai-Liur Husi Ajensia

Ministru ba Asuntu Parlamentár no Komunikasaun Sosial (MAPKomS), Frsncisco Martins da Costa Pereira Jerónimo. Ministru ba Asuntu Parlamentár no Komunikasaun Sosial (MAPKomS), Frsncisco Martins da Costa Pereira Jerónimo. Foto Suplay

Tempotimor (Dili)-Ministru ba Asuntu Parlamentár no Komunikasaun Sosial (MAPKomS), Frsncisco Martins da Costa Pereira Jerónimo hatete, Governu konstituisionál nafatin avizu hodi fó hanoin ba komunidade sira atu labele ansi ba servisu iha rai-liur, liuhusi ajensia.

“Ami mós husu ona ba komunidade tomak katak, atu labele ansi lai, sai ba rai-liur, liu de'it husi ajénsia ne'ebé ita seiduak hatene, klaru katak ita ba hetan servisu iha rai-liur. Parlamentu ida-ne'e mós ami hato'o, e ami mós hato'o ba komunidade sira liuhusi konferénsia imprensa”, dehan nia iha Plenária Parlamentu Nasionál, segunda (27/06).

Tanba atu ba hala'o servisu iha rai liur ne'e komunidade sira presiza kuidadu liliu ba joven sira ne’ebé mak hakarak ba rai-liur tenke hatene uluk ajénsia ne'ebé mak bele responsabiliza no fó garantia ba sira hodi hetan servisu iha rai-liur.

Tanba normalmente joven sira ba servisu iha Inglaterra ho Irlánda ne'e nia regra klaru ona públiku mós hatene ona maibé atu servisu iha Portugal ho pasaporte Timor-Leste ne'e la'ós labele, bele maibé presiza hatene loos, sé mak responsabiliza nune'e to'o ne'ebá bele tama servisu ne'e.

“Normalmente agora ajénsia sira ne'ebé mak Governu halo kontaktu no sira ne'ebé mak haruka ita-nia joven sira ba ne'ebá, balun mai presta deklarasaun e esplika kona-ba prosesu hotu maibé balun mak seidauk mai”, afirma nia.

Ba joven sira ne'ebé mak hakarak ba servisu iha rai-liur, Governu la bandu no la impede, maibé husu atu sira tenke kuidadu ho didi’ak nomós tenke hatene didi’ak ajensia ne’ebé mak bele fó responsabilidade ba sira. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« October 2022 »
Mon Tue Wed Thu Fri Sat Sun
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Tempo Timor Networks

Online Counter