Tanba ne’e, Governu nasaun rua ne’e servisu hamutuk hodi bolu traballadór Ilegál sira atu hatudu imajen di'ak nasaun rua ne'e.
“Mekanizmu mak ita konsege rezolve ne'e mak fó hatene ba kompaña sira ne’ebé iha traballadór atu sira mai konfirma-an (lapor diri), atu labele kontinua tan orsida sai risku boot ba estadu nomós ba família”, hatete Filomeno Soares iha nia kna’ar fatin Bekora, Maroco Mate, segunda (24/05).
Dadaun ne’e, Adidu Traballadór ho Embaixadór servisu maka’as hela atu redúz hahalok sira ne’ebé hatun imajen Estadu iha rai liur.
"Ita-nia Embaixadór no ita-nia Adidu ho Governu Koreanu sira mós serbisu maka'as hela atu redúz hahalok aat sira ne'e tantu ba Austrália nomós ba Korea”, dehan nia.
Kuandu sidadaun Timor-Leste ne'ebé mak remata ona servisu iha Korea la extende diretamente husi Kompaña sira maibé haruka filafali mai Timor-Leste hodi re-test hafoin desloka filafali ba Korea. (*)