Iha atividade ne'e rasik, Inspetór Jerál AIFAESA, Ernesto Monteiro, intruduz Kona-ba Papel AIFAESA ni'an. Nune’e operadór ekonomiku sira hatene kona-ba servisu husi autoridade rasik.

Ba operador ekonomíku sira inspetór Jerál hatete, AIFAESA nia kna'ar la'ós atu buka koima, AIFAESA nafatin divulga informasaun sira, hafoin hala'o Inspesaun no fiskalizasaun, oinsá operadór sira hala'o atividade negósiu atu kumprimenta ba lei sira, nune'e hodi kontribui ba dezenvolvimentu nasionál.

Aliende ne'e, Administradora Postu Administrativu Na'in Feto, Ermina Martins, halo abertura ba atividade ne’e husu ba operadór ekonómiku iha Postu refere aproveita ho divulgasaun ne'e hodi intendente di'ak ba lei sira, nune'e hala'o atividade bazea ba lejislasaun ne'ebé iha, nune'e lábele monu ba infrasaun sira.

Iha atividade ne'e, oradór sira husi SERVE, I.P, ne'ebé maka reprezenta husi Supervizora Lisensamentu, Noémia Amaral, no Autoridade Audoneira, reprezenta husi Xefe Operasaun, Manuel Tito Correia , inklui AIFAESA rasik reprezenta husi Xefe Seksaun Kontraordenasaun, Zaquelina Paijo.

Ba divulgasaun ne'e hetan, partisipasaun másimu husi operadór ekonómiku. Atividade ne’e ensera husi Diretór Asuntu Juridiku no Kontraordenasaun, Anosio Araújo. (*)