Tuir informasuan ne'ebe www.tempotimor.com, asesu iha pajina AIFAESA, tersa (05/09/2023) katak, Ekipa Inspetór sira ne'ebé kompostu husi DO no DMP, hahú hala'o atividade Inspesaun no Fiskalizasaun iha Munisípiu Baukau, Postu administrativu Venilale, bazeia ba planu trimestral datoluk AIFAESA, I.P, nian.

Iha asaun kontrolu ne'e, hanesan atividade kontinuasaun husi planu anual ne'ebé iha, hodi kontrolu ba atividade ekonómiku iha Munisípiu Baucauk, ne'ebé atu garante kualidade ai-hán no presu justu produtu sira hotu ba konsumidó sira.

Antes halo kontrolu, ekipa operasaun ne'ebé lideradu hosi Xefe Seksaun Turístika no Setór Primária, Carlos M. Ximenes, hasoru malu ho Autoridade Munisípiu Baukau, no Autoridade Seguransa hodi hato’o karta kuñesimentu ligadu ho atividade inspesaun no fiskalizasaun iha área juridika refere. (*)